Dvrá dvgø:mò we

Dvrá dvgø:mò we
17 Ngà nø Dvrá nvng kàdvtutshú kàrurì svng catlv́m rvt dì daqì mèlv́nshàni. Ngà nø catlv́m dø̀ng dakngà we mø̀í; werì dvgø̄mlv́m rvt mv̀ng dø̀ng dakngà. o

18 Ngàí namaq svng kàdøng v̄la:tnìni. Muqlàng rvgaq vlēvm nø dvrá lòng taq v̄l rì shvngbe køtgø̄m dvhø̄m daqò høqshaq, Dvrá lòng taqò kàru angteq tiq chv̀ngcè gø, angmvkwiq tiq lòngcè gø, màmv̄ngvm. p

19 Wedø í rvtnø, dvkv́mkà yarì taqkèní cv́m vtv̄ng we tiq ciqcè svng mvcà:nò nø,* dvgá vsvng kaq gø welòng døni shvngø:tnò we kagǿ ínìgø, muqlàng móngdàn taq cv́m vtv̄ng gǿ tǿlv́m í longe. Iwe, dvkv́mkà yarì cv́n dvdø̄:ngò nø, dvgá vsvng kaq gø welòng døni shvngø:tnò we kagǿ ínìgø, wegǿ mv̀ng nø muqlàng móngdàn taq ring we tǿlv́m í longe.