Dvrá dvgø:mò we

Dvrá dvgø:mò we

Ngàí namaq svng v̄la:tnìni, namaq nø dvrá svrarì nvng Farisirì angmaq døngman lòng mvdv̀m mvzv́n mèdøngmannøng kvt kèní nø, kadø ínìgø namaqí muqlàng móngdàn góng mèlúnnøng.Shv̀mná rí mvdaq we. 

Cārvmàng vsvngrì kaq nø, ‘Vsvng shvt mvdaq; vsvng shvt we kagǿ ínìgø dvrá dvra we vhǿm vdū longe,’ v̄l yà:ngà kà namaqí vtáshaq íe.  Iwe, Ngàí namaq svng v̄la:tnìni; kagǿ ínìgø angnv̄m angchvng tiq gǿ svng mvtú màdá shv̀mná rí gǿ nø dvrá dvrā we vhǿm vdū longe.

Kagǿ ínìgø angnv̄m angchvng kaq yv́ng mvtv̀má:mò nø, nà nø angdé èíe, wa shø̀n vsvng nø shaqré lìpòngmè taq dvrá dvra we vhǿm vdū longe. Kagǿ ínìgø angnv̄m angchvng svng dvrøq nø, ‘Angdál nà!’ wa shø̀n gǿ nø zùpvng svmi móng kèní mvlutshì long. 

Wedø í rvtnø shvrúngrà yv́ng svng nàò shvrúng gønpaq nàí èlv́nga:tnò ke, nvnvm nvchvng tiq gǿgǿí nà svng shvràlv́m la v̄l we èdǿmshi lōng nìnø; nàò shvrúng gønpaq lòng nø shvrúngrà shvnvngø èlà:ngò dá:ngí, èdīvm nø nvnvm gǿ nvng shini shèrv́mshìv̄m.

Wedá:ngí wā nàò shvrúng gønpaq lòng nø shèrú:ngò.Nà nvng nàkokéshì we vsvng nvng shini tvrà rāmø èdìshi dvgvp, cancan ang nvng shèrv́mshi; mø̀íni nà svng èko pèí dvrá vjì wūr taq tèlē bø nø, dvrá vjìpèí rá ang cìlcè svng tèlē bø nìnø, nà svng tūng taq èróng bø̄e. u Ngàí namaq svng jø̀ngjǿng v̄la:tnìni, bèshàn tiq gø̀mcè gø màmvzāshi høq mèwaqnø̀ng dv́ngte weyv́ng kèní mèlutshinø̀ng.

Vpø íwe vnvmchvngmaq, tvndvgáni Gvray móngdàn, Gvray ìshøt téwa vtoshì lúnlvm nø, dvrá svra rì nvng farishi rì mvdvmø téwa kvmnønt tvrà taq shvdøngshi lúnràe, wanø shedøm:ìe. Vrá nø, Shv̀mná rí mvdaq, tiqdvr vsvng kaq svng gø shvngōshì we, mvrà shvri we gø wá mvdaq, kvmnønt, shóngnønt, vlømshìwe kvmnønt taqkèní mvng téwa nonggùn lushi nø røtnímshì ràe, shvrúng ràe wanø shvdømè.