Gvray Møngkà : Piterí Kristu vchà:ngò we - Solemnity of the Most Holy Body and Blood of Christ

Piterí Kristu vchà:ngò we

 Tiq kvt nø Ang wawa júrøtshi dvgvp, Ang coqcv́nrì gø Ang nvng tiqdø vl ke, A:ngí angmaq svng rø:tnò nø, “Ngà kagǿ ǿngà we vsvng loksokrìí kadø wae ma?” a:lòe. h

 Angmaqí vtà:ngò nø, “Tiløp Yohan íe gø wae. Tiqmaq nø Eliya íe, gø wae. Tiqmaq nø darì kàdvtutshúri kèní tiq gǿ vrá zūn lú:ngì we íe gø wae,” a:lòe. i

 Yesuí angmaq svng, “Ini, namaqí nà; Ngà kagǿ íe wa dèdv̄mnø̀ng ma?” a:lòe. Wekvt Piterí vtà:ngò nø, “Nà nø Gvray pè Kristu èíe,” a:lòe. j

Wekvt Yesuí angmaq svng, “Yakà nø kagǿ svng gø mvshø̀nlvm, mvgv̄mkaq dvká:mòe.

Vrá A:ngí Vsvng Angcè Pè Ngà nø dvshàlv́m mvme pv̀n tø̄nshø̀ng nø, shaqré shaqtvng mvdò nvng shvrúngshú vjìrì nvng dvrá svra mvdòí mènàtong nø, èshvt bø̄nge.

We mèpvng vshø̀m ni wani taq zūn longe,” a:lòe. Coqcv́n wáshì mvyǿ rì kaq shvngø:tnò we A:ngí shvngbe svng rá a:lò we nø, “Ngà mèpvng cv́n mvyǿ we kagǿ ínìgø, vdè svng màmvpáshishaq, ni vrv̀m vdè wurgang baqshi taqsórí Ngà mèpvng laq cv̀n ra.

Kadø íe wani vdè gø̀nshaq shvlutshi mvyǿ we kagǿ ínìgø, gø̀nshaq vmvngvme. Iwe Ngà dvpvt rvtnø ang gø̀nshaq sǿm kvmshi gǿí mv̀ng nø gø̀nshaq lún lú:ngòe.