Muqlàng móngdàn kàshvbóng

Muqlàng móngdàn kàshvbóng
44 “Muqlàng móngdàn nø, rvmá tiq hv́ng taq vmáshaq vpø̀ tiq bø̄m nvng vbónge. Vsvng tiq gǿí yv̀ng bǿò kvt nø, mā máò nø, welòng rvt dvbù weí, div̄m nø ang vdá we í dv́ngte nv̄mshi dv̀ng rvmá wehv́ng wv̄nshie.

t 45 Vrá, muqlàng móngdàn nø, rvlogwìngshíng shvlá láò we wulaq wa vsvng nvng vbónge. 46 Vtv̄ngshaq vpǿ we rvlogwìngshíng tiq chv̀ng lá lún bǿà kvt nø, div̄m nø ang vdá we í dv́ngte nā:mò nø wechv̀ng wv̄nshi bǿì.