Yudaí Benyamin dvpvt shǿnāò we

 Wekvt Yudaí ang svng tvp vnvpshì nø a:lò we nø, “Ngà vkàngpèá, nà vshuqpè ngàí vkàngpè nà svng tiq kàcè shǿn lúnlv́m røtshø̀nge; í we nà vshuqpè ngà svng shv̀mná mèríni. Kadø íe wani nà nø Farao nvng tiqdvchá èrīnge.  Vkàngpèí nà vshuqrì nøngmaq kaq èrøtshà we nø, ‘Namaq nvpè v̄le má? nvnvm pè v̄le ma?’ èwa rvtnø; nøngmaqí vkàngpè nà svng, ‘Nøngmaq vpè shaqré mvgúl tiq pè v̄le; ang svrǿngá:mì dvgvp gà:lò we angcè gø tiq pè v̄le. Angnv̄m pè nø shì yà:ngì rvtnø, angmèí gà:lò we taq ang tiq pè wā vdv̄ng rvt, angpèí gø ang svng mvku:kngòe,’ wàì nø v̄lvpshà. Wekvt nàí nà vshuqrì nøngmaq svng, ‘Ang mv̀rshv̀m ngàí yv́ng lúnlv́m dvpvt, ang nø ngà yv́ng svng eshøl daqnø̀ng,’ èwae

Inìgø nàí nà vshuqrì nøngmaq svng, ‘Namaq nvnvm pv̄ngyønpè mvzv̀n daq kvt kèní nø, ngà mv̀rshv̀m svng namaqí vrá yv́ng mèlún lóngshà,’ èwae.Wedø í rvtnø nà vshuqrì nøngmaq vpè yv́ng tuqv́mshà kvt, ngà vkàngpè nà kà yarì ang svng dvtáìe.  Wemèpvng vpèí, ‘Tv́n tiq kvt èdìv́mnøng nø, nøngmaq dvpvt v́mlv́m cvmaq èwv̄nv́mnøng,’ èā:lìe. k Iwe nøngmaqí, ‘Nøngmaq dí màshvla. Vnvm nōngtøm pè zv̀n nìnø dídv̀ng íe; kadø íe wani vnvm nōngtøm pè mvzv̀n kvt kèní nø gàmzø̀ wepè mv̀rshv̀m svng yv́ng lún mvdaq,’ ā:lìe.  Wekvt nà vshuq ngà vpèí nøngmaq svng, ‘Ngà chø̀mmèí ngà dvpvt vní pè wa ègv́lāng yv̀ngà we namaqí eshánønge.  Tiq pè nø ngà kèní léshì yà:ngì nø, “Kadø ínìgø ang svng nø tacheche dvrv́nké yà:ngòni,” wv̄nge. Wemèpvng akvt høq ngàí ang svng yv́ng mvlún bǿngà.Namaqí yapè svng gø ngà yv́ng kèní èshø̄l bǿnøng nø dvnì dvgá ív̄m nìnø, namaqí gomùng dv́mzø̀ pè ngà svng nøt yùr sórí zùpvng móng svng shèlōshà we íe,’ èā:lìe.Yosep shá dvzv́rshi we  Wekvt Yosep nø, ang shvnvng riprì mv́rdv̀ng taq tønshi mvjòr lú:ngì rvtnø, “Vsvng shvngbe nø ngà mv́rdv̀ng kèní yīlshi dèzá:rò,” wa nø vkiqe. Wervt Yosep nø angnv̄mrì svng shá dvzv́rshi dvgvp, ang shvnv̄ng rip we nø dvgá kagǿ gø màvl.  Wekvt Yosep nø, pv̄nglap vl we Ejip rìí gø táò høq, ūngūng dvdǿrshi nø ngǿ lú:ngì. Farao chø̀msvng rìí gø tá bǿà.  Wekvt Yosepmí angnv̄mrì svng, “Ngà nø Yosep ǿngàe. Vpè nø pamvra akvt høq cúnshìe ma?” a:lòe. Iwe angnv̄mrì nø ang mv́rdv̀ngø nøt caqvmvng svreá:mì rvtnø, ang svng kà vtv́n mvngu:tnò.  Wekvt rá Yosepmí angnv̄mrì svng, “Tvp èshøtshivtnøng lè,” a:lò kvt, angmaq gø ang yv́ng tvp shøtshìe. Wekvt a:ngí, “Ngà nø namaqí Ejip móng svng ènv̄mv́m yv̀ngshà pè, nvnvmpè Yosep ni ǿngàe. b 5 Yarvgaq svng namaqí ngà ènv̄mv́m yv̀ngshà rvtnø, akvt nøt mèdèshànø̀ngni; vdèdè shv̀mná gø mèshèríshì nøngni. Kadø íe wani vsvng gø̀nshaq dvcúnlv́m dvpvt, namaq vzv̀ngzv̀ng Gvrayí ngà svng dèzv́r yv̀ngà.

 

 

 

Mati 10:8-15