Memàmè lòngzàpè dvzū:nòwe

Mēmàmè lòngzàpè dvzū:nò we
11 Wemèpvng kadv́ngte màlé dvgvp Yesu nø Nain tǿò we tiq mvrìng svng gòngá:mì. Ang coqcv́nrì nvng vsvng loksokrìí gø Ang mèpvng cà:nòe. 12 Mvrìng gòngchit yv́ng Ang tuq ráì dvgvp, memà tiq mèò angcè lòngzà tiq gǿ shì vnàng baqa:tnà we vhǿmòe. Memà mè mèpvngpvng mvrìng cèrì gø mvme zv̀ne.c

13 Vkàngpèí memà mè svng yv̀ng bǿà chàng ang svng mvré lú:ngà nø, “Mèngø̄ni,” a:lòe. 14 Yesu tvp di ráì nø chà svng zø̀:mò nìnø vnàng baqò rì ripmá:mì. Wekvt A:ngí, “Gùchàngré pèá, Ngàí v̄lvtnøng, èkungshì,” a:lòe. 15 Wekvt shì pè nø kūngshì nø kà shø̀n lú:ngì.

Wekvt Yesuí angmè svng tvlēòe. d 16 Vsvng shvngbe nø dvdv̄m vtiq we nvng svreá:mì nø, Gvray ngø̀rdvgùng shvrī:ngò sórí, “Nøngmaq dvhø̀ taq ring we kàdvtutshú tiq gǿ būng lú:ngì. Gvrayí nø Ang bāshà rì svng ètìn daqshà,” wae. e 17 Shv̀ngkà yalòng nø, Yuda rvgaq móngkøp taq gø, gùrhømhøm rvgaq shvngbe svng gø dvshv̄ng bǿà.