Farisirì svng kà vtà:ngò we

“Ngàí rá namaq svng v̄la:tnìni, mvgv̄m màshvla we gv̀msùng werìí rv̀mnvng èlashìnøng. Gv̀msùng werì bevm kvt wa namaq svng nø dvciq lvpat chø̀m taq v̀llv́m nàtovtnønge.  Cv́m vtv̄ng rì taq kv́mv́m vrv̄m gǿ nø mvme tē rì taq gø kv́mv́m vrv̄me. Vrá cv́m vtv̄ng rì taq màdøngman gǿ nø mvme luq rì taq gø màdøngman.  Wedø í rvtnø namaq nø rvgaq tø̀m gv̀msùng vshé rì taq dv́ng kv́mv́m mènàrv̄mnø̀ng nìnø, døngman we pø̀hvp mvdø̀ng rì nø kagǿí namaq svng tvlē kv̄mshì daqni ma?

 Namaq nø dvgá vsvng dvrè taq kv́mv́m mènàrv̄mnøng nìnø, namaq dvrè ílv́m rì nø kagǿí èzívtnø̀ngni ma? Vshuq tiq gǿí nø angkàng vní gǿ svng dvzø̄m mvlúnshì. Ang nø tiq gǿ svng shvngōshì nø tiq gǿ svng nø shóngshì longe. Mø̀ínī tiq gǿ svng yv́ng tv̀má:mò nø, tiq gǿ svng nø yv́ng mvtv̀m lú:ngò. Namaqí nø Gvray kaq gø dvzøm, gv̀msùng vshé svng gø dvzø̄m nø̄ mèlúnnøng,” a:lòe.  Farisirì nø gv̀msùng map rì í rvtnø, yadv́ng pv̀n svng tá bǿà kvt, Yesu svng zērshi nø vhøòe.  Yesuí angmaq svng, “Namaq vdè nø vsvng mv́rdv̀ngø døngman vsvng í ra dø dètanshinønge. Wedø ínìgø namaq nøt svng Gvrayí sháòe. Vsàngí vpǿ shvri:ngò lòng nø Gvray mv́rdv̀ngø nǿmtuq íe.