Israel rì Ejip kèní búng we

Saturday, July 20, 2019

Cvray Mongka Tiq Tut BÚNGÁM 12:37-42

Israel dvcì cèrì nø Ramese kèní búng nø Sukot* svng tuqá:mì. Angmaq nø svmarérì nvng cv̀mrérì màrø̄shaq, vchuq sèn gǿ dv́ngte íe. Dvgá dvcì cèrì gø vshú we, Israel loksok mvdò nø, nìnà rénùng vyv̀ng rénùngrì nvng dv̀ngchè rénùngrì nvng tiqdø búngá:mì. Wekvt angmaqí nø Ejip móng kèní ría:tnà we zidòngsérrì yēò nø, dvgángá:mòe. Pàwálv́m wani angmaq svng nø Ejip móng kèní mvhø̀ mvhè lùnga:tnà rvtnø zidòng werì gø butdvshi màzv́ng ría:tnà. Vrá, angmaq vdè dvpvt v́mlv́m dvgá pàgø dvgǿshì mvlú:nò. Israel dvcì cèrì Ejip móng taq v̄l we nø, vbìyá vshø̀mcé nǿng í yà:ngì. Vbìyá vshø̀mcé nǿng gø̄m nī taq, Yehowa Ang loksok mvdò shvngbe nø Ejip móng kèní búng yà:ngì. Weyaq nø Ejip móng kèní angmaq svng vgùng yà:ngà yaq í rvt, Yehowa dvpvt mvsø̄ng nø vpǿ rà we angyaq íe. Yayaq nø Israel dvcì cèrì shvngbeí tiq mvril nø tiq mvril yv̀ng màdvt, Yehowa dvpvt mvsø̄ng nø vpǿ rà we angyaq íe.

Mati 12:14-21

Wedø ínìgø Farisirì búngá:mì nø, Ang svng kadøwa shvmv́ng lúnlv́m, gvcvt vjø:nò nø vrāshìá:mì. Welòng svng Yesuí dǿm bǿà kvt, weyv́ng kèní Ang yilshìá:mì. Vsvng loksu:kngí gø Ang mèpvng cà:nò nø, zārì shvngbe svng A:ngí dvba:nòe. Ang shv̀ngkà màdvshv̄nglv́m dvpvt angmaq svng gvpnaq dvká:mòe. Yalòng nø kàdvtutshú pè Esaya taqkèní shø̀n yà:ngà kà dvhø̄m lúnlv́m dvpvt íe. Ang wa we nø, “Eyv̀ngnøng yapè nø Ngàí rvcv̀ng bǿngà we Ngà dvzømshú pè, Ngà nøt zømshø̀ng pè, Ngà shóngshøng pè íe. Ang svng nø Ngà Pvlàcè zv́ngāngò nø, A:ngí wv́ngzà dvcìrì kaq døngman tvrà dvtá lú:ngòe. Ang nø vsvng nvng gø màshvt, vhaq gø màhaqshì. Mvrìng tvràri taq gø Ang kà mvtáshi long. Vdu vbóng we dang taq Ang mvjòr dv́ngte nø, Vyipshaq gūngzì svng nø A:ngí mvgiqò. Zv́m nø mvyǿ dǿ we svmi pvnāhǿng svng gø A:ngí mvmaqò. Vsvng dvcìrì shvngbe nø Ang bø̀ng svng vlǿmshi longe,” wae.