Tiløp Yohan mvshǿl

Tiløp Yohan mvshǿl

Wenila taq Tiløp Yohan būng lú:ngì nø, Yuda gùrwang rvgaq mvgūng móngø mvshǿl dvsha:ngò sórí, “Nøt èlíngshìnøng; pàwálv́m wani muqlàng móngdàn níshì ráì,” wae.  Kadø íe wani kàdvtutshú Esayaí shø̀n yà:ngà dø, d “Rvgaq mvgung móng yv́ng tiq gǿ vkiq nø, ‘Vkàngpè tvrà dègǿanøng, Ang tvrà mèdóngānøng,’ wae,” wa, shø̀n yà:ngà pè nø yapè ni íe.Yohan nø, golawu mø̄l bèlaq gwashi nø, ang juq taq nø shacē juqnv́m nv́mshie. Ang v́mlv́m nø cóngkut nvng zømwàng kwátì íe.  Weyv́ng kèní Yerusalem rì gø, Yuda gùrwāng shvngbe nvng Yordan tì kupa yapa pv̄ngtut taqtutrì shvngbe gø ang yv́ng svng di nø,angmaq mvrà vchángshì taqsórí, Yordan tìwàng yv́ng angmaq svng Yohaní tiløp løpmaòe.

 Wedø ínìgø Farisirì nvng Sadukirì mvme, tiløp lúnlv́m dì ráì we svng a:ngí yv̀ng bǿà kvt, angmaq svng a:ngí a:lò we nø, “Bø̀naq shvràng angcè rìé, dvgáni tuq daq we shv̀mná høp lòng taqkèní lutshilv́m dvpvt kagǿí dèshatnønge ma? Nøt língshì shù shv́ng we angshí èshí lóngnø̀ng. Vrá, ‘Nøngmaq nø vkop vkàng Abraham pvlí pvlaqrì íshàe,’ wa nvrø̀m mèdètéshinø̀ngni. Kadø íe wani ngàí namaq svng v̄la:tnìni, Abraham dvpvt pvlí pvlaq ílv́m nø, lóng yarì taqkèní Gvrayí dvbūng ngu:tnòe.  Vrá wvrdi nø shǿngrì angrø̄ taq tvlú dvcínshaq íe. Wervtnø̀ angshí shvlá mvshí we shǿngtø̀ng vrv̀m svng nø rǿ:mò nø svmi svng gūr bǿòe.  Nøt èlíngshìnøng we dvtānlv́m rvt ngàí nø tì taq tiløp løpmaìe. Ngà mèpvng di daq pè Ang nø, ngà mvdv̀m té nònggùn jòre. Ngà nø Ang híshvnam chutnā we vshuq wáshìlv́m gø màpǿng. A:ngí nø Shànshér Pvlàcè taq* gø, svmi taq gø, namaq svng èløpmvtnønge. Ang làwøt gø̀m gø Ang wūr taq lá:ngò taqsórí, Angò làkòn tø̀m svng A:ngí lānglāngwa dvshèr daqòe. Angò zōng nø vzá taq rvdāò nø, angpv́l nø maq mvdv́ngshi we svmi taq wv́r bǿòe,” a:lòe.