Yaku ó Yohan dvgùng láshì we

Thursday, July 25, 2019

Gvray Mongka Nx Galong ie

2 Korintu 4:7-15

Wedø í nìgø vtv̄ng kèní ring we jórnònggùn yalòng nø, nøngmaq taqkèní mø̀í dø, Gvray kèní wa í we dvtan lúnlv́m rvt, pø̀hvp yalòng nø nøngmaq vbā chúngrì taq èv́laìe. Nøngmaq nø kadang kèní dvshàlv́m vhǿ:mì nìgø, nøt dvtlv́m høq nø mø̀ísha. Nøt dvshàì nìgø, vlǿmrà vmv́nglv́m høq nø mø̀ísha. Dvki vrèlv́m vhǿ:mì nìgø, ègu:rì we mø̀í. Kǿng vkup nàda:pmì we ínìgø, caq nø mèshèmá:ngì.Yesu Ang cúnshì we nø nøngmaq góng taq ni shvyvnglv́m rvt, Yesu shì yà:ngì tvrà gø nøngmaq góng taq ni nv̀nnv̀n ríìe. Kadø íe wani Yesu Ang cúnshi we nø shí bøp sháì we nøngmaq góng taq dvtān lúnlv́m rvtnø, nøngmaq nø Yesu dvpvt shìlv́m yv́ng svng tèlēì we nv̀nnv̀n vhǿ:mìe. We yv́ng kèní nøngmaq vdòng taq nø shìlv́m lòng dvzaqshì nø, namaq vdòng taq nø gø̀nshaq lòng lè dvzaqshìe. “Ngà kv́m rvtnø ngàí shø̀n bǿngà,” wa nø kàru taq vrū yà:ngà we kv́mnøt dø tiqdvchá, nøngmaq nø kv́m we pvlàcè dvchá lú:nì rvtnø, kv́mnøt welòng kèní shǿn gø shø̀:nì we íe. Pawalv́m wani Vkàngpè Yesu svng dvzun yà:ngà pèí, nøngmaq svng gø Yesu nvng tiqdø dèzun lú:ngì nø, namaq nvng tiqdø Ang mv́rdv̀ngø shèrip lú:ngìe, wa lòng sháìe. Yadv́ngte shvngbe nø namaq vjú dvpvt wani èíanøng nø, Gvray jejúí vsvng mvme svng rǿnke bǿà rvt, Gvray ngø̀rdvgùng svng shvringlv́m nvng oqà wàlv́m lòng té luqtv̀mlv́m rvt íe.

Mati 20:20-28

Wedvgvp Zebedi chø̀mmè nø, angcè pèní nvng dì ráì nø Yesu kèní tiq pv̀n røtshìlv́m køt ngǿmshi nø Ang svng noqòe. Yesuí, “Nà pà èshòng ma?” a:lòe. Wemèí Ang svng, “Nà móngdàn vdòng taq, ngàcè yapèní svng Nà vbàng pā tiq pè, vgwé pa tiq pè rúnglv́m vyā èzǿngāngà,” a:lòe. Yesuí vtà:ngò nø, “Nàní kapà èrøtshì we svng nàníí mèsháshò. Ngàí aqlv́m dv́nò we gwìn chv̀ng nàníí gø aq èngutshò ma?” a:lò nìnø, “Ngutshòe,” wae. Wervt A:ngí, “Ngà gwìn chv̀ng nø nàníí jø̀ngjǿngni aq rà longe. Inìgø Ngà vbàng pā vgwé pa taq rúng lúnlv́m vyā zílv́m pè nø Ngà mvǿngà. Ngà Vpèí kagǿ dvpvt dvgǿāò nìnø werì dvpvt wa íe,” a:lòe. Yalòng dang wá tiqcé pèí tá bǿà kvt, angní nvm svng shv̀mná rí lú:ngì. Yesuí Ang yv́ng svng angmaq goa:tnà nø, “Rvgaq tø̀m taq øpshúrì nø bashà rì svng ø:pmò nø dù gàmzø̀ rìí gø, vmíng vkángí angmaq svng shvnā:lò we svng namaqí èshánønge. 26 Namaq nø wedø wáshì mvdaq. Namaq dvhø̀ taq ring mvyǿ we kagǿ ínìgø, ang nø dvzømshú lè wáshì ràe. Namaq dvhø̀ taq vgo wáshì mvyǿ gǿ nø, vshuq vzv̀ng wáshì ràe. Yalòng nø Vsvng Angcè pè Ngà wv́ngshø̀ng dø tiqdvchá íe. Ngà nø vsa:ngí leq dèzø̄mvt wv̄ng dø̀ng dakngà we mø̀í. Vsvng kaq dvzø̄mlv́m dvpvt nvng Ngà gø̀nshaq nø mvme gǿ dvpvt chutchv́ng dvpø̀ zíshìlv́m dvpvt mv̀ng dø̀ng dakngà we íe,” a:lòe.m Nemàn vní pè dvba:nò we.