Nazaret svng vtv́ng lú:ngì we

Nazaret svng vtv́ng lú:ngì we

 Angmaq loá:mì mèpvng, èyv̀ngnø̀ng, Vkàngpè Ang dvzv́r tiq gǿ, yøpnv́ng taq Yosep svng dvtánshì nø,

“Ekūngshì; cv̀mré pè nvng angmè èshø:lò nø Ejip móng svng èvtshìv́mnøng. Ngàí nà svng vrá màdvtáng

dak dv́ngte nø weyv́ng v́ldv̀ng èwànø̀ng. Kadø íe wani Herodní cv̀mré pè svng láò nø shvmv́nglv́m dá:nòe,”

a:lòe. 

 Wervt Yosep chàng kungshì nø, yaqdø̀:ngí cv̀mré pè nvng angmè shø:lò sórí, Ejip móng svng búngá:mì nø,

 Herod shìá:mì høq wervgaq v́ldv̀ng wae. Yalòng nø Vkàngpèí kàdvtutshú pè taqkèní,  “Ngàcè pè svng nø

Ejip móng kèní Ngàí gong bǿngà,” wa shø̀n yà:ngà kà dvhø̄:mò we íe.

 Wedø ínìgø Herod shìá:mì mèpvng, kū, Vkàngpè Ang dvzv́r tiq gǿ nø, Ejip móngø yøpnv́ng taq Yosep svng

dvtánshì nø yadø wae. “Ebúng; cv̀mré pè nvng angmè èshø:lò nø, Israel móng svng èlōnøng. Pàwálv́m wani

cv̀mré pè gø̀nshaq svng shvmv́ng mvyǿ rì nø shìá:mì,” a:lòe.  Wervt ang búng nø, cvmré pè nvng angmè

shø:lò sórí Israel móng svng vtv́ng ráì.

 Wedø ínìgø Arkelau nø angpè Herod tvlē, Yuda gùrwang koqkv́m wáshì we kà a:ngí tá bǿà kvt, weyv́ng svng

ang dí mvkv̄mshi. Wemvdv̀mø, yøpnv́ng taq Vkàngpèí ang svng vgám dvtúò rvtnø, ang nø Galili gùrwāng svng

yīlshì nø;Nazaret mvrìng svng di nø weyv́ng v̀lá:mì. Yalòng nø kàdvtutshúri taqkèní, “Ang svng nø Nazaren

vsvng tǿ lú:ngòe,” wa nø shø̀n yà:ngà kà dvhø̄:mò we íe.