Yesu coqcv́n nv̀mlat gōò we

John 1:43-51 Yesu coqcv́n nv̀mlat gōò we

Mèpvng ni taq Yesu nø Galili móng svng búnglv́m dvdūshi bǿì. Wekvt Filip svng A:ngí lá lún bǿà nø ang svng, “Ngà mèpvng ècv̀n ra,” a:lòe.* 44 Filip nø, Anderu nvng Piter vl mvrìng Betsayda kèní íe. 45 Filipmí Nataniel svng lá lún bǿà nø ang svng, “Moshií gø Dvrá lèga taq, vrá Kàdvtutshúrií gø tvnuò nø vrū yà:ngà pè, Yosep angcè, Nazaret pè Yesu svng nøngmaqí lá lún bǿshà,” a:lòe. h

Wekvt Natanielí ang svng, “Nazaret mvrìng kèní nø shvla we kapv̀n bung long ni ma?” a:lòe. Filipmí, “Yv̀ngv́mshò lè,” a:lòe. i 47 Nataniel Ang yv́ng di ráì we Yesuí yv̀ng bǿà kvt ang dang tvnuò nø, “Ku, dvgoqnøt mvzvng we Israel vjø̀ng tiq pè,” wae. j 48 Natanielí Ang svng, “Nàí kayv́ng kèní ngà èshángà ma?” a:lòe. Yesuí vtà:ngò nø, “Filipmí nà svng shini mègo dvgvp, nv̀mgwè tø̀ng lv̀ngpvngø nà èvl dvgvp ni, Ngàí nà svng yv̀ng bǿngà,” a:lòe.

Natanielí Ang svng vtà:ngò nø, “Rabbiá, Nà nø Gvray Angcè pè, Israel Koqkv́m pè èíe,” a:lòe. k 50 Yesuí ang svng, “Nv̀mgwè tø̀ng lv̀ngpvngø Ngàí nà svng yv̀ng bǿngà, wvng kà rvtnø nà èkv́me ó? Ya mvdv̀mø té ring pv̀n nàí èyv̀ng lú:ngòe,” a:lòe. 51 Vrá Yesuí, “Ngàí kàdøng tiqkā v̄la:tnìni, muqlàng vtánvm nø, Gvray Ang muqlàng dvzv́rrì nø, Vsvng Angcè pè mvdv̀m taq rvlv́ng mv̄nshì yøt mvnshì we svng namaqí èyv̀ng lóngnønge,” a:lòe.l