Gvray Mongka Yesu bø̀ng tǿò we

Angmaq cancan weyv́ng svng dìá:mì nø, Mari nvng Yosep svng gø, nìnà kūng taq dvbǿ:mò we sv̀ngshv́rcè svng gø lá lún bǿà. Angmaqí yv̀ng bǿà kvt, cv̀mré yagǿ dāng angmaq svng dvtá daqà kàrì angmaqí dvsha:ngòe.  Vyv̀ng roqrìí shø̀:nò kàrì tá lú:nò dv́ngte nø dádv̀ng wae. Marií mv̀ng nø, kà yarì shvngbe ang nøt vdòngø mvsø̄:ngò nø dvda:mòe.  Vyv̀ng roqrì nø muqlàng dvzá:rí dvtá daqà dø tiqdvchá, tá gø tá bǿà, yv́ng gø yv̀ng bǿà rì shvngbe rvtnø, angmaqí Gvray dvgùng dvshv̄ng mā:nò nø, shvrī:ngò taqsórí vtv́ngá:mì.

Yesu bø̀ng tǿò we Vshvt ni wa ni taq cv̀mré pè svng rvmø̄l vtóng cv̀nlv́m angni gø̀ ráì kvt, angmè góng taq shini màvl dvgvp kèní muqlàng dvzá:rí bø̀ng vtǿshaq í dø tiqdvchá Ang svng Yesu, wa bø̀ng tǿòe.