“Svmigwìn Kàshvbóng"

Mark 4:21-25 “Svmigwìn Kàshvbóng"

Vpø íwe pèmè vnvmchvngmaq, dèni rø vdù we mongkà tiqciq 2 Timoti 1:1-8ciq vdòng taq, Dvdvr Polo ínø Timoti dvpvt Gvray kaq vjú røtním dvbvngò taqsórì Timotiò mvngsher we dòngnønt kvmnønt nø, nvcì nvng nvmè taq vl yangì dø tiqdvchá nà vdòng taqgø vl we svng ngàí dvdvm rø:nòe, wànø shvringò we svng shálún shìe. 

Vrá nø, Døngku svng chøm vdòng shvngømré wànø gø tø'ò we íe. Cvmrécè rìò vgo mvci nvmlat cíngrálnønt vháng mvnshì lòng we (2),(3) nøng mv-lìmce taqø àngmaqí yv'ng lúnò rì, tálúnò rì nø àngmaq tiqlvpat dvpvt mvsøngsháòe. Wè rvtøtaq, Døngku vsvngrì kvmnønt tvrà taq dønggvng dø cvnlúnì nìnø cvmrérì í gø Kvmnønt tvrà svng vpø shvring sháò we cvmrécè rì ídaq we íe.

Wervt, Vpø íwe vnvmchvngmaq nøngmaqò Cvmré rì dvpvt shvlá vtv'ng gønpaq shaqshøp íwe Shvngømréò Kvmnønt tvrà Pvlàcè gønpaq svng zí lúnlvm dvpvt nøngmaq rvzvngce døngku vrvm taqkèní dvnung nø dvzaqshì laqlúni, wvng dvshat mvyøngè.

Mark 4:21-25 vdòng taq Vkangpè Yesuí kàshvbóng taqkèní vkvtdø shvngøt dvtúè.

Yesuí rá angmaq svng a:lò we nø, “Svmigwìn lv́nga:tnò nìnø mvgùrí kuplv́m, mø̀íni yøprà lv̀ngpvngø shvrúnglv́m í ma? Svmigwìn shvrúng rà taq shvrúng rà we mø̀í ma? ef 22 Kadø íe wani vmáshaq pà í nìgø, màdvtàn lú:ngò we màvl. Vwvmshaq pà ínìgø màpùn lú:ngò we màv̄l. g 23 Vnà vdá gǿí nø laq táò,” a:lòe.

A:ngí angmaq svng rá, “Namaqí ètá bǿshà rì svng shvla dv̀ng wa dèdvmnøng. Namaqí vsvng kaq kapàí ètínganøng nìnø, namaq svng gø wepàí ni battv́ng ètíngavtnønge. Namaq svng nø wemvdv̀mø gø té èrvmavtnønge. h 25 Kadø íe wani vdá gǿ svng nø rv̄ma daqòe. Màdá gǿ kèní nø, ang vdá hvncè gø lùv́m bǿòe,” a:lòe.i

Nøngmaq vl we dìngman we Kvmnønt tvrà taq Gvrayí téwa Pvlàcè ìshøt rv̄ma lvm rvt Gvray kaq cìpshì nøntni dvleshì nø dvzaqshì laqlúnì.
Shvngbe svng oqā.