Nà mvtá màá dvbā:nò we

Nà mvtá màá dvbā:nò we

 Tiru rvgaq dvrøt yv́ng kèní Ang rá búng nø, Sidon rvgaq nvng Dekapoli rvgaq dvrøtrøt léshì ráì nø, Galili tìnúng sv̀ng tuq ráì. 

 Wekvt vnàí mvtáò we màá tiq gǿ, angmaqí Ang yv́ng svng shøla:tnà nø, ang mvdv̀mø Ang wur lvhapshi dø røtshìe. 

 Wekvt Yesuí ang svng vsvng loksokrì kèní tiqtōng svng shøl bǿà nø, ang vnà vdòng svng Ang wurhàmí mvnuqò nø, wurhàm

svng tø̄:lí dvshaqshì da:ngí wepè pvlè svng vdénòe. Wekvtrá muqlàng kaq kāng ngángshi sórí Ang shaqmè vhéshi nø wepè

svng, “Effata,” a:lòe. Yakà nø, “Nàtánvm,” wakà íe. 

 Ang vnà nø wela:ngí chàng vpuqá:mì. Ang pvlè vkv́ngkéò lòng gø vpǿná:mì nø, shvngshvng wa kà shø̀n lú:ngì. Kagǿ svng

gø màdvtálv́m A:ngí angmaq svng dvká:mò we í nìgø, té dvká:mò té angmaqí dvsha:ngòe. 

 Wekvt angmaq nø, dvdv̄m gø mvtǿmshì dv́ngte dádv̀ng wàá:mì nø, “Kapà gø A:ngí nø shvla we dvchǿng wàòe lé! nà

mvtárì gø lvtáò dø A:ngí wàò nø, màárì gø kà lvshø̀n dø wàòe,” wae.