Vdè wurgang baqshi sórí Ngà mèpvng laq cv̀n ra

Vdè wurgang baqshi sórí Ngà mèpvng laq cv̀n ra

Wekvt vsvng loksokrì nvng Ang coqcv́nrì nø Ang yv́ng svng goò dá:ngí, Yesuí a:lò we nø, “Ngà mèpvng cv́n mvyǿ we kagǿ
gø,vdè svng ngálshi nø, vdè wurgang baqshi sórí Ngà mèpvng laq cv̀n ra.

 Pàwálv́m wani vdè gø̀nshaq shvlutshi mvyǿ we kagǿ gø, gø̀nshaq vmvngv̄me. Ngà dvpvt rvt gø, Dvbùshv̀ngkà rvt gø, vdè
gø̀nshaq vmvng we kagǿ gø gø̀nshaq lutshi longe.  Vsa:ngí nø móng døngtáng shvngbe angò wáv́m lú:nò nìgø, ang
gø̀nshaq sǿmvm nìnø a:ngí kapà vjú lú:nòe ma? Vsvng tiq gǿ ang gø̀nshaq tvle nø, kapà tiq pà:ní cheshi lún daqe ma?

 Dàchapke nø mvrà wàò we yamvril dvhø̀ø, Ngà nvng Ngà kàrì svng shvraqshi we kagǿ í nìgø, vsvng angcè pè Ngà nø vpè
pòngbàng ngø̀r we vdòng taq, shànshér we muqlàng dvzv́rrì nvng tiqdø langshø̀ng dak dvgvp, Ngà gø we gǿ svng
shvraqshilv́m í longe,” a:lòe.

Yesuí rá angmaq svng, “Ngàí namaq svng jø̀ngjǿng v̄la:tnìni, yayv́ng riprì tiqmaq shini mvshì ke, Gvray móngdàn nø jór
nònggùn nvng lāshì daq we svng èyv̀ng lóngnønge,” a:lòe.