Shvla weí màshvla we svng dv́ngké rà we

Shvla weí màshvla we svng dv́ngké rà we

 ‘Nē tvlē nē, shà tvlē shàí èteqshìnøng,’ wa shø̀n yà:ngà kà namaqí vtáshaq íe.  Iwe Ngàí namaq svng v̄la:tnìni: vsvng mvgv́m svng mènàgám nø̀ngni. Kagǿí nà mvwā vbàng pā nàpaqvt nìnø ang svng wá pā gø̄ shènáshì.  Kagǿí nà svng èko nø, nà bèlaq vdòng dùng wāshì mvyǿ nìnø, nà bèlaq mvdv̀m dùng gø laq wāshì.  Kagǿí nà svng mvdø̀ng mvdaq mīng tiq dv̀m dí dèzv́r nìnø wegǿ nvng ming vní dv̀m gø èdíāò. Nà svng røt rā vsvng kaq èzíò. Nà yv́ng kèní rūmshi mvyǿ gǿ kèní chuq mèyuqshìni.

Ngv̀nshà kaq shóngshì rà we

 ‘Nà tiqdv́ng vsvng kaq èshóngshi nø, nà nvng ngv̀nshà gǿ kaq shèngoshì,’ wa yà:ngì kà namaqí vtáshaq íe.  Iwe, Ngàí namaq svng v̄la:tnìni; namaq nvng ngv̀nshàrì svng èshóngshinø̀ng. Namaq kaq vrè dvki rā vsvng dvpvt vjú èrøtnanøng.  Namaqí yadø èwànø̀ng kvtnø muqlàng taqlap vl pè namaq Nvpè angcèrì èí lóngnønge. Kadø íe wani Gvrayí Ang nv̀m nø, svng mvgv́mrì svng gø, svng shvlári svng gø dvsv̄rāò nø; shø̄ gø, døngmanrì nvng mvdø̄ng mvmānrì svng dvchá dvzaqāòe.