Coqcv́n wáshì mvyǿ rì kaq shvngø:tnò we

Coqcv́n wáshì mvyǿ rì kaq shvngø:tnò we

Vpø íwe pèmè vnvmchvngmaq ya rvtø nø vm-aq vnatshì we rvtø vní nī wàni svng gòng bø'shà. Vm-aq vnatshì rvtø taq mvdøng dvshat we nø Vkangpè Yesu Hkristu sanlun zun taq (40) ni,yaq vm-aq vnatshì nø Mònggvn vsvng shvngbe shiwvt mvra kèní Chutchvng lvm,  Wūrgang tvrà svng Vpè Gvray gvsang àng nønt ídø dvnung yangà, Santan pè wur taqkèní lútshì lúnlvm tiqgóng shvngbe vpnongshì vjúrøt nø dvtán yangà dang svng dvdvm nø nònggùn lùshì dvzvr we rvtø gø íe.

Luke 9:22-25
 Vrá A:ngí Vsvng Angcè Pè Ngà nø dvshàlv́m mvme pv̀n tø̄nshø̀ng nø, shaqré shaqtvng mvdò nvng shvrúngshú vjìrì nvng dvrá svra mvdòí mènàtong nø, èshvt bø̄nge. We mèpvng vshø̀m ni wani taq zūn longe,” a:lòe. k

Coqcv́n wáshì mvyǿ rì kaq shvngø:tnò we

 A:ngí shvngbe svng rá a:lò we nø, “Ngà mèpvng cv́n mvyǿ we kagǿ ínìgø, vdè svng màmvpáshishaq, ni vrv̀m vdè wurgang baqshi taqsórí Ngà mèpvng laq cv̀n ra.  Kadø íe wani vdè gø̀nshaq shvlutshi mvyǿ we kagǿ ínìgø, gø̀nshaq vmvngvme. Iwe Ngà dvpvt rvtnø ang gø̀nshaq sǿm kvmshi gǿí mv̀ng nø gø̀nshaq lún lú:ngòe.  Vsvng tiq gǿí nø móng døngtáng shvngbe angò wáv́m lú:nò nìgø ang gø̀nshaq vmvngvm, mø̀íni dvsǿmshì bø nìnø, a:ngí mvzv́n kapà lú:nòe ma? wàe.

Tálúnì we Gvray móngkà taq Vkangpè Yesu mèpvng cvni rìò lvpat svng vrá tiqkvt shvdømè. Vkangpè Yesu Hkristu ínø nøngmaq rvzvngcerì shvngbe kaq svng àng dì we Wūrgang tvrà taqø dvshà lvm, rvwèng vhø'm lvm, mvhøt lvm nvng shì lvm vhø'mlvm dang rì svng shvngøt dvtúè. Yadang nø Vkangpè Yesu Hkristu mèpvng cvni we rvtø taqø nøngmaqí rì vdù we Wūrgang tvrà rì íe. Vchvk we nø nøngmaq nø Vkangpè Yesu Hkristu mèpvng cvni we rvzvngcerì íshà rvt àng kaq shóngshì we shóngnønt kūnga vzà:mí wè Wūrgang rì svng bàq lún rà ìe. Tiqkvt kvt nøngmaqí bàq íwe Wūrgang nø nøngmaq shóngshà í rì, nøngmaqí wàì we bvnlìrì, nøngmaq v-li we gùr gùr, nøngmaq rvzvngshàì we lvpat taqkèní gø dì we íē. Vkvtdø íwe Wūrgang tvrà rì taqkèní yìlshìlvm bøn mvdaq we íe. Wervt nøngmaq nø Hkristu kaq svng shóngshàì we shóngnønt kèní shóngshìlvm nvng àngde nø àngdeò Wūrgang svng Vkangpè Yesu Hkristu dø shvbóng shvmvtshì taqsórì baqshì lvm nø gvzà vchvk we íe. 

Vpø íwe pèmè vnvmchvngmaq Yadang svng dvdvm nø Nà Ngàò Wūrgang tvrà nø kadø ku dì íe mà? Kadø cúnshàì nø kadø cvndvgømìe mà? Vkangpè Yesu Hkristuò shóngnønt svng dvtán nø Kadø svkse wáshàìe mà? Dvdvm nø àngdeò lvpat taqkèní nònggùn lùshàì wvng dvshat nø vrashì mvyøngè. Shvngbeí Gvray mongzøl lòng vtoshì leqlúnì.