Angbøt angshv́r vshú mvdaq we

Angbøt angshv́r vshú mvdaq we

 Wekvt Yohan coqcv́nrì Yesu yv́ng dì ráì nø, “Nøngmaq nvng Farisirì nø, v́mpà màv́mv́m angkvtkvt vnatshàì we;

Nà coqcv́nrì nø v́mpà màv́m la mànatshìni, pawá í ma?” wa rø:tnòe. 

 Yesuí angmaq svng, “Zvmì kùng taq lvngàshv́rpè* shini vl dvgvp bóy mvnv́mrì nø rvyú vdu ma? Iwe, lvngàshv́rpè

svng nø angmaq yv́ng kèní lù bǿò we angni tuq rāe. Wekvt mv̀ng nø, angmaq gø màv́mv́m vnatshì rà longe.

Kapvn rvt v́mpà màv́mv́m vnatshì ràwe ímá, kámwe rvsángcèrì dvpvt v́mpà màv́mv́m vnatshì wenø Kàngpè yesuò

wurgang baqlvm dang svng shini mvpv:ngò ke rvgaq mvgòngmóng taq vbisé yaq vlyv:ngà we rvtøsvng dvdvm

dvzvr we íe.

Kàngpè yesuò anglvpvt svng yv:ngò ninø ang gønshaq svng ap núng nø èzí bø' shàwe íe. Vmpà màv́mv́m vnatshì

wenø ap núng shìwe dang íe. Kàngpè yesuí nø rvgaq bashàrì dvpvt nønggøp kèní gø a:ngò gønshaq svng gø ap

núng tvleà bø'shàwe íe. Nøngmaq gø kapvn dang taq Kèní døngmàn we tvrà dvpvt kadøku dvzaq shìlvm svng

dvdvm mìnø dvzaq shìlvm wàì. Shvngbe svng oqà.