Yesu mv̀rshv̀m shø̀ngshang vmvtná:mì we

Yesu mv̀rshv̀m shø̀ngshang vmvtná:mì we

Vchuq ni mèpvng Yesu nø Piter, Yaku nvng angnv̄m pè Yohan shø:lò nø, vháng we shìgùng svng angmaq wawa rvlv̀ngá:mì. Wekvt angmaq mv́rdv̀ngø Ang nø shø̀ngshāng tiq mv̀rshv̀m vmvtná:mì nø, Ang mv́r nø nv̀m dø shór lú:ngì. Ang bèlaq rì gø gálòng døni mùngá:mì.  Wekvt Moshi nvng Eliya dì daqì nø Yesu nvng kà shø̀n we coqcv́n vshø̀m pèí yà:ngòe. Piter kà tv́ngshì nø Yesu svng, “Vkàng pèá, yayv́ng nøngmaq à:lì lòng nø shvlae. Nà èwv́mshì nìnø, ngàí yayv́ng shìyat vshø̀m long, Nà dvpvt tiq lòng, Moshi dvpvt tiq lòng, Eliya dvpvt tiq lòng wv̀ngvtnònøng,” a:lòe.Piter wedø shǿn mv̄nshì la:ngí, shór we rvmøt tiqpùí angmaq svng dvkøq daqà nø, rvmøt vdòng kèní kà tiq lòng shø̀n daqì nø, “Yapè nø, Ngà vtv̄ngshaq nøtshø̀m nø Ngà shóngshøng we Ngàcè pè íe. Ang kà ètánøng,” wae. 

Coqcv́n pèlaí wekà tá bǿà chàng, angmaq vtv̄ngkèní svre nø vba tø̀m svng kǿng kupshìe.Wekvt Yesu di ráì weí angmaq svng vkoqò sórí, “Ebúngnøng; mèsèrenøngni,” a:lòe. Angmaq kāng ngángshi nø dvjaqò nìnø, Yesu Ang wa mø̀í nìnø, dvgá tiq gǿ gø mvyv̀ng bǿà.Shìgùng kèní angmaq yøtshì daqì dvgvp, Yesuí angmaq svng dvká:mò nø, “Vsvng angcè pè Ngà nø shø̀ng yv́ng kèní vrá mvzūn long dv́ngte, namaqí èyv̀ng bǿshà lòng vsvng tiq gǿ svng gø mèshø̀nnøngni,” a:lòe.