Ang kaq kv́m vsvng ídv́ngte nø dvciq lvpat gø̀nshaq lúnlv́m dvpvt íe.

Ang kaq kv́m vsvng ídv́ngte nø dvciq lvpat gø̀nshaq lúnlv́m dvpvt íe.

Ngàí nà svng ‘Nà nø angshv́r gv́lshì ràe,’ wvng nø vl bǿngà rvtnø mènàtiqni. Nv̀mbø̀ng nø ang wá mvyǿ yv́ng svng wa nø, angshaq nàí ètáò we ínìgø, kayv́ng kèní wà ráì we nvng kayv́ng svng wavm we nø mèsháò. Pvlàcèí vgv́lshaq vsvng gǿ vrv̀m gø welòng dø íe,” a:lòe. Nikodimuí Ang svng, “Yadv́ng pv̀n nø kadøwa bǿn lvdaq ni?” a:lòe.Yesuí vtà:ngò nø ang svng, “Nà nø Israel dvcì kaq shvngøtshú tiq pè èí we, yadv́ng pv̀n svng mèrà:lò má?

Ngàí kàdøng v̄lvtnøng, nøngmaqí nø sháì lòng shø̀:nì nø, yà:ngì lòng dang shvkse wáshàì we, nøngmaq shvksekà svng namaqí mènàtōashà. Namaq svng Ngàí rvgaq tø̀m taq írì shø̀nò nø dv́ng mèkv́mnøng nìnø, muqlàng taqlap nvng sing rì shø̀nò nø téwa kadøwa lekv́mnøngni?  Muqlàng taqlapmø vl yv́ng kèní lāshì daqì we Vsvng Angcè pè wa mø̀í nìnø, muqlàng taqlap svng rvlv́ng lú:nò we kagǿ gø màvl.  Rvgaq mvgūng móngø Moshií vbø̀ hàng yà:ngà dø tiqdvchá, Vsvng Angcè pè gø wedøni hà:ngò we vhǿm ràe.  Pàwálv́m wani Ang kaq kv́m vsvng ídv́ngte nø dvciq lvpat gø̀nshaq lúnlv́m dvpvt íe.