Polo angmaq dvhø̀ø̄ kadø v̄l we

Gvray Mongka Tiq Tut

1Tesalonia 2:1-8

  Vnvm vchvng rìé, namaq yv́ng sv̀ng nøngmaq dì ráshà we nø vshø̀ng mø̀í we èshánønge.  Namaqí èshánøng dø tiqdvchá, vzv̀ng nøngmaq Pilipi wamà taq dvshà mvhøt we nvng shvraq chaq we vhǿm bǿshà nø, vtù we mvme vhǿm bǿshà nìgø, Gvrayí nònggùn èzíì yv́ng kèní Dvbùshv̀ngkà nø wedøni namaq svng dvshv̄ng yv̀ngshà we íe. Kadø íe wani nøngmaqí dvshat dvzi:tnì kà nø, mvdìng we kà mø̀í, mvmv́ng mvshèr dang kèní gø mø̀í, dvgoqnø:tní yùm yv́ng kèní gø mø̀í.  Gvrayí nøngmaq svng nàlǿmá:mì nø Dvbùshv̀ngkà dvshv̄nglv́m bv̀nlì tvle daqà rvtnø nøngmaqí wedø dvsha:ngì we íe. Vsvng kaq wv́mshì dvzv́rlv́m rvt gø mø̀í. Nøngmaq nøt svng vløtshú Gvray kaq wv́mshì dvzv́rlv́m rvt íe.  Kadø íe wani nøngmaq nø kadvgvp gø shvring dvpéshàì weí mvyv̄n nøt svng wā:mò dø mvwàì we namaqí èshánønge. Yalòng dang shvkse nø Gvray íe.Nøngmaq nø Kristu Ang dvzv́r íshà yv́ng kèní vmíng vkv́ng zǿm lúnshì we ínìgø, namaq yv́ng kèní gø, dvgá vsvngrì yv́ng kèní gø, Vsàngí zi ra we dvgùng nøngmaqí mvláì.  Nøngmaq nø nong dvcøqshì mèí angcèrì svng mvku:kngò padø, namaq dvhø̀ taq nøt kø̄ncè wáshì yv̀ngshà. Vrá nøngmaq nø namaq svng gvzà shóngshàì rvt Gvray Dvbùshv̀ngkà shvngøt mvyǿì we wa mvtaq, nøngmaq gø̀nshaq gø namaq dvpvt zíshi mvyǿ yv̀ngshà.

Mati 23:23-26

“Nøt vní shvlē èínøng we dvrá svrarì nvng Farisirì namaq nø mèhøt lóngnønge. Pàwálv́m wani namaqí nø, gvrō shábv̀n gø, bv̄nzi bv̄nyang zø̄ngløm gø, shvnv̄m dø í rì gø, tiqcé wál kèní tiqwál lòng nø Gvray kaq shèrúngnø̀ng we; dvrálòng taq tété rīng nø̀ gvzà dvkv̀ng we døngman dø dvràlv́m nvng dvsházālv́m nvng nøt tǿng kv́mv́m vrv̄m we; yarì svng nø rá namaqí mècv̀nnøng. Yadv́ng pv̀n gø dvgá rì dø tiqdvchá cv́n rà we íe.  Tvrà shølshú nemànrì namaqé! Shvmǿcøt svng nø ècìnøng nø, Golawu svng nø rá ènaqnønge.”“Nøt vní shvlē èínøng we dvrá svrarì nvng Farisirì namaq nø mèhøt lóngnønge. Pàwálv́m wani namaq nø kung gwìnrì vtv́nglap wa jøljøl wa zá:lò rì dø nàshv́mnønge. Inìgø namaq vdòng rv́m nø vmupmv̄m we nvng mapnøt dv̀n nàdeqnønge. Farisi nemànrìá, kung gwìnrì vdòng rv́m vzv̀ng shànshàn wa èzv́lnøng, wekvt wa vtv́ng lap gø shèr longe.