Shaqshaqwa v̀llv́m dvká:mò we

Shaqshaqwa v̀llv́m dvká:mò we

Weni taq namaqí Ngà svng røtlv́m tiq kà gø màvlvm. Ngàí kàdøng v̄la:tnìni, Vpè svng namaqí Ngà bø̀ng taqkèní kapà èrøtnø̀ng nìgø, A:ngí namaq svng èzí daqnø̀nge. Akvt høq namaq nø Ngà bø̀ng taqkèní tiq pv̀n gø shini mèrøtshìnøng. Erøtshìnøng kvt nø èlún daqnø̀nge. Wekvt namaq nø dvbù nø:tní dv̀n èzø̀ng lóngnø̀nge. Yadv́ng pv̀n nø Ngàí namaq svng kàshvbóng kèní shø̀n bǿngà. Inìgø Ngàí namaq svng kàshvbóng kèní vrá tiq kvt màshǿnshaq, Vpè dang nø dèdè chaqdvp namaq svng dvtálvm rvtø̀ tuq rae. r 26 Weni taq namaq nø Ngà bø̀ng taqkèní èrøtshì lóngnønge. Wekvt namaq dvpvt nø Ngàí Vpè svng røt dvbvnglv́m íe, wvng we mø̀í. Pàwálv́m wani namaq nø Ngà svng èshóngshinø̀ng nø, Ngà nø Vpè yv́ng kèní dø̀ng dakngà we svng gø èkv́m bǿshà rvtnø, Vpèí namaq svng èshòngnønge.  Ngà nø Vpè yv́ng kèní dø̀ng dakngà nø, rvgaq tø̀m svng gòng dakngà. Vrá Ngà nø rvgaq kèní rv́lshø̀ng nø Vpè yv́ng svng longvme,” a:lòe.