Yesu vjú røtkà

Yesu vjú røtkà

 Wekvt Yesuí, “Muqlàng rvgaq Angkàng pè Vpèá,Nà svng oqà wv̄nge.Kadø íe wani,yadv́ng pv̀n nø
zitnøt rálnøt vl rì nvng gvcvt paqzí vl rì taqkèní Nàí èmáò nø,cv̀mré rì* svng lè dètan daqà. 

  Íe,Vpèá,Nà èwv́mshì we nø yadøni ílv́m lòng ni íe. Vl dv́ngte shvngbe nø Vpèí Ngà svng tvleshaq
íe.Vpèí wa mø̀í nìnø,Angcè pè svng sháò vsvng tiq gǿ gø màvl.Vrá,Angcè pè nvng A:ngí dvtánā
mvyǿ gǿ wegǿí wa mø̀í nìnø,Vpè svng sháò vsvng tiq gǿ gø màvl,”wae.

 “Vlishì we døngjá èrínøng nø mèjòrnøng rì namaqé,Ngà yv́ng èdi ránøng Ngàí namaq svng nārshì
dvzv́ra:tnìni.  Ngà paqdv̀ng èrínøng nø,Ngà taqkèní ècv̄nshì ránøng;pàwálv́m wani Ngà nø nøt kø̄n
nø cipshø̀nge.

 Wekvt namaq dòngnøt mvsø̀n* dvpvt nārshìrà lá èlún lóngnønge.  Kadø íe wani Ngà paqdv̀ng nø
rí nàm nø,Ngà døngjá gø vnànge,”wae.