Yesuí shvngøt we júrøtkà

Júrøt we taq màshvringshìlv́m
Matthew 6:7-15

Namaq vjú èrøtnø̀ng dvgvp, nøt vní shvlē cv̀nrì dø mèwáshì nø̀ngni. Angmaq nø vsa:ngí lvyv̀ng rā dø júrøt chø̀m rvgaq nvng tvrà nv̄mdø̄ng rvgaqø rip sórí júrøt mvyǿe. Ngàí namaq svng v̄la:tnìni, wedø wa rìí nø angmaq zìbè pvtbe lúnv́m bǿà. b 6 Namaq vjú èrøtnø̀ng dvgvp, kok vdòng svng ègòngnø̀ng nø bv́ngkà ècøtshinø̀ng dá:ngí, mvyø̀n vdòngø v̄l pè Nvpè svng vjú èrøtshìnøng. Wekvt mvyø̀n pv̄ngø yà:ngò pè Nvpè A:ngí namaq svng zìbè nàwv́ngā daqnø̀nge. c 7 Namaq vjú èrøtnø̀ng dvgvp, wv́ngzàrì røt dø kàciq màdá batnì battv́ng mènànínø̀ngni. Angmaqí nø, kà gvzà luq dø èrøt kvt wa Gvrayí táā dae, lá:nòe. d 8 Wervtnø̀ angmaq taq mècv̄nshìnø̀ngni. Kadø íe wani namaqí Nvpè svng shini mèrøtnø̀ng dvgvp kèní ni, namaq kapà èrànøng we A:ngí vsháshaq íe.e

Yesuí shvngøt we júrøtkà

Wervtnø̀ namaq vjú èrøtnø̀ng dvgvp yadø èrøtnø̀ng: f ‘Muqlàng taqlap èvlpè nøngmaq Vpèá, Nà bø̀ng svng shànshér dø vpǿ laq sháì.10 Nà móngdàn laq tuq daq. g Muqlàng taqlapmø Nà nøt í lòng dø, rvgaq tø̀mø gø laq í daq.11 Ni vrv̀m nøngmaq ràì we v́mpà, dèni gø nøngmaq svng èzí daqshà.12 Nøngmaq svng nàléì rì kaq h nøngmaqí chutnāì dø, nøngmaqí vléì rì gø èchutnāshà.13 Dvløt rā yv́ng nøngmaq mèshø̄lshàni, mvgv̄m màshvla lòng kèní nøngmaq svng shèlutshà. i (Kadø íe wani móngdàn gø, jórnònggùn nvng dvgùng gùngshv̀ng nø, dvciq lvpat Nàò èíāe, Yadø laq í daq,)’* wa èrøtnø̀ng. 14 Vsa:ngí nàlévtnøng we svng namaqí èchutnānø̀ng kvt nø, muqlàng taqla:pmò namaq Nvpèí gø, namaq svng èchutna daqnø̀nge. 15 Vsa:ngí nàlévtnøng we svng namaqí mèchutnānøng kvt nø, namaq Nvpèí gø namaqí nàlénøng rì svng mèchutna daqnø̀ng.