Muqlàng móngdàn kàshvbóng

Muqlàng móngdàn kàshvbóng

Vpø íwe pèmè vnvmchvngmaq, Muqlang móngdàn nø ngā angpvnpvn shvngbe svng dvgø:p lúnò we shø'mgún tiqlòng nvng vbóngè wànø Vkangpè Yesuí dèniò kashvbóng mongkà mvshøl taqkèní shvngøt dvtúe. Shvla we ngā rì rvcà:ngò nø mv-gvm we ngā rì svng nø vtv'ng kaq gu:ròe, wàe . Shø'n mvyø we taq Lvngdøm tìsi Dvrá dvra we kà:ngé we rvtø àngni shini mvtuq dvgvp nø shvla gø' nvng mv-gvm gø', Mvra mà-vl gø' nvng Mvra vdá gø' tārá Nønt nø shø'mshø'm wàce vl vdùe. Íni gø lvngdøm àngni taq Rvgaqtøm vsvng, rvzvngcerì Shvngbeí wàì dø ,cvndvgøm dø tiqdvchá vjú vmyat nvng mvra dàm rì svng vtoshì lúnlvm vlē wàdang vkvtdø mvshøl kèní síngràl lúnlvm rvt shèngøt dètú ì we, shèdø':mì we Mongkà íē.

Mongkà taq; Muqlàng móngdàn nø, tìnúng taq gø:pmò nø, Ngā angpv̀npv̀n shvngbe gøp lú:nò we shǿmgún tiq lòng nvng vbónge. v 48 Shǿmgún dv̀n zø̀ngvm kvt, angmaqí vdàm pā svng shv̀la:tnò nø, rung sórí ngà shvlá rì rvcà:ngò nø dvrè taq zá:ngòe. Inìgø màshvla rì svng nø angmaqí gu:ròe. 49 Rvgaq yabàn tìsi lv̀ngdø̀m rvtø̀ taq gø welòng dø tiqdvchá, muqlàng dvzv́rrì búng daq weí, døngman rì dvhø̀ taqkèní vsvng mvgv́m rì svng rvwìng bǿò nø, w 50 svmi ràdv̀ng vdòng svng werì gūr bǿòe. Weyv́ng angmaq ngø̄ nø shà vjitshi sórí tǿnshi we vhǿm lú:ngòe. 51 Yadv́ng pv̀n shvngbe namaqí ècíng bǿshà ma?” wa rø:tnò kvt angmaqí Yesu svng, “Cíng bǿshà,” a:lòe. 52 Wekvt A:ngí angmaq svng, “Wedø í rvtnø muqlàng móngdàn dāng shvngøtshaq í we mòngkà kàru cv̄nshì vsvng* gǿ vrv̀m nø, ang pø̀bø̄m taqkèní dvrè angshv́r gø, anglí gø, vpùn lú:ngò we chø̀m angkàng tiq gǿ nvng vbónge,” a:lòe.
53 Yesuí kàshvbóng yarì shǿn dá:ngí, wervgaq kèní búngá:mì.

Mongkà ètashìnøng we vnvmchvngrì Shvngbeí Pvlàcè Shagóng ìshøt igvn vtōshì leqlúnøng Shvngbe svng oqā.