Farisirìí Dvrá lòng dang Yesu vlø:tnò we

Farisirìí Dvrá lòng dang Yesu vlø:tnò we
Yesuí Sadukirì svng dvrā dv́ngke bǿà we svng Farisirìí tá bǿà kvt, angmaq gø dvkǿmshì ráì nø, maq taqkèní dvrá kàciq vrálshú tiq pèí Yesu svng vlø:tnò sórí yadø rø:tnòe. 36 “Svra pèá, Dvrá lòng taq rīng vtv̄ng we dvkv́mkà nø kàciq í ma?” a:lòe. A:ngí wepè svng, “‘Nà nø nà tiqnøt shvngbeí gø, nà dòngnøt mvsø̀n shvngbeí gø, nà shánøt dvdvmnøt shvngbeí gø, Vkàngpè nà Gvray kaq shóngshì ràe,’ wa shø̀n yà:ngà. Wekà nø ring vtv̄ng we nvng shvngbe mvdv̀m tiq í we dvkv́mkà ciq íe. elòng dø í we vní ciq waciq nø, ‘Vdè góng svng èshóngshì dø, nà nø nà tiqdv́ng vsvng kaq shóngshì ràe,’wa ciq íe. Dvrá lèga bokkøp nvng Kàdvtutshú kàru shvngbe nø dvkv́mkà yaciqní taq vdǿnshìe,” a:lòe.