Kàngpè àngmè Mari gv̀lò we

Kàngpè àngmè Mari gv̀lò we

 Mika 5:1-4, Roma 8:28-30, Mati 1:1-16, 18-23

Dèni nø kàngpè Yesu àngmè Mari gv̀lò we bóy nisvng wàì we íe. Mònggàn taq byò vtvng we tiqnī gø íe.

Shvnshér we Mari svng magvlò ninø chvng kàngpè svng kadø gvllvm ídaq nimá. Shø'ng angtøng màvl

ni kadø angshí v'm mvlúnshì døni angmè màvl ninø angcèrì gø gvllvm mví. Medo Mari svng nø angmè

Anna nvng angpè jocam ní í, gvl yv:ngà. Mari nø angmè Anna taq kèní nvmlat mvrà madá gvl yv:ngà rat

nvmlat mvrà madá chø̀myoré vjø̀ng írvt shànshér Pvlàcè taq kèní Cvmré ríò we íe. 

Welòng nø Gvray gvsangí dvlú dvgøò we dang íe. Kàgvp anglí Búngám taq Moshi nø svmì vkvtàm we

shø'ntøng svng yv'ng bø'à kat yv'ng nvng die. Wekvt gvrayí Moshi svng chøptin pvnat chutlvm dvtúòe.

Pàwálvm wani we shvrà nø gvrayò shvnshér we shvrà íe wae. Wedø ni Gvray angcèpè mònggàn svng

chut chángshú pè gvl lvm dvpat Cvmré rílvm pvwá góng nø shvnshér ràe. Mvrà màvl shvnshér we vsv:ngí

wa mvrà vdùng taq vløp we vsvngrì kaq svng chánglún lú:ngòe. Mvrà màvl nø shvnshér we núngpa svng

wa gvrayí shònge. Medo Mari døni kàngpè Yesu Kristu svng nøngmaqò dùng nønt mvsøn taq kèní

vtolvm wàì.