Tiqcé vní pè dvzv́r bǿà we

Tiqcé vní pè dvzv́r bǿà we
91 Yesuí coqcv́n tiqcé vní pè svng dvkø̀ma:tnà nø, cáng shvngbe kaq dv́ngkélv́m gø, záyv̀ng angpv̀npv̀n dvbānlv́m gø, jórnònggùn nvng vmíng vkv́ng angmaq svng zíòe. a 2 Gvray móngdàn mvshǿl dvshv̄nglv́m dvpvt nvng zarì dvbānlv́m dvpvt, A:ngí angmaq svng dvzv́r bǿà. 3 A:ngí angmaq svng, “Namaq èdìv́mnøng dvgvp dvrv̀ng gø, tòngzv̀n gø, v́mlv́m nvng gv̀msùng gø mèlv́ngnøngni. Belaq gø vní dùng mèlvngshinøngni. 4 Kachø̀m svng ègòngv́mnø̀ng nìgø, wemvrìng kèní mèbúngnøng dv́ngte wechø̀m taq v́ldv̀ng èwànø̀ng. b 5 Namaq svng mènàtovtnøng nìnø mvrìng welòng kèní èbúng daqnø̀ng kvt, angmaq svng vchaq we shvkse wáshìlv́m dvpvt, namaq hí taq vyīn we dvtø̀l nàchaqshi ránøng,” a:lòe. c 6 Wekvt angmaq dìá:mì nø, rvwá vrv̀m taq Dvbùshv̀ngkà dvshā:ngò sórí, kayv́ng màyv́ngø̄ zarì dvbā:nòe.