Yesu nvng Beelzabul

Yesu nvng Beelzabul

 Tiq ni taq Yesuí màá tiq gǿ kèní màá cáng tiq long lú:ngòe. Cáng lúshiá:mì kvt, màá gǿ nø kà shø̀n lú:ngì; vsvng loksokrì nø
dádv̀ng wae. Iwe tiqmaqí, “A:ngí nø cáng koqkv́m Beelzabul nonggùn kèní cáng lú:ngòe,” wae.

  Dvgá maqí nø Ang svng vlø:tnò sórí, muqlàng kèní shálv́m mvshv́lpvrá tiq lòng dètanshà, wa røtshìe.  Angmaq nøt vdòng
dvda:mò rì A:ngí sháò rvtnø angmaq svng yadø a:lòe. “Ang nø ang vpokē we móngdàn kamóngdàn ínìgø vcatnv̄me; angmaq
nø angmaq vpōke we vsvng karvp ínìgø vcatnv̄me. Ngàí nø Beelzabul nonggù:ni cángrì lù:ngòe, èvlshàe. Satan gø ang nø
ang vpōke kvt kèní ang móngdàn nø kadøwa lvzá:nòni?

 Ngàí Beelzabul nonggùn kèní ni cángrì lùngò we lā í kvt kèní nø, namaqò coqcv́n cèrìí cáng lù:ngò we nø kagǿ nònggù:ní
lú:ngòe ma? We rvtnø angmaq nø namaq svng kà rvtshú wáshì longe. Inìgø Ngàí nø Gvray nònggùn kèní cángrì lùngò we
í nìnø, Gvray móngdàn nø namaq yv́ngø tuq daqì we íe. 

  Shvrē pè nø cìldànkùng rì gwashi nø ang chø̀m svng roqshì kèní ang zaqshøp rì nø pàmvrà v́lāòe. Iwe ang mvdv̀m té jòr
we shvrē tiq gǿ di ra weí ang svng jorv̄m nìnø, ang vlǿmshì we ang cìldànkùng rì shvngbe kutwa tø̄lv́m bǿò nø,ang zaqshøp
rì gø vwālshì bø̄e. 

  Ngà svng mvcv̀n gǿ nø Ngà kaq vtù gǿ íe; Ngà nvng màdvkømvm gǿ gø,dvkangshú íe. Mvmv́ng vcáng nø vsvng góng
kèní kv̄ngshìvm mèpvng, tì màvl rvgaqø dām nø dvná láò we lá mvlún lú:ngà kvt ang yadø wae: ‘Ngà nø ngà búng rángà
we chø̀m svng vtv́ngv̄me,’ wae.

  Ang tuq ráì kvt chø̀m nø dvshérshaq dvcøpshaq í we svng a:ngí yv̀ng bǿà. Wekvt ang vtv́ngv̄m nø, ang mvdv̀mø té mvgv̄m
we cáng dvgá shvngøt lòng shøla:tnà nø werì shvngbe gòng nø weyv́ngø v̄lvme.Wekvt vsvng wegǿ mèpvng vl long we laqyà
nø, vzv̀ng mvdv̀mø té mvgv̄m we ív̄me,” a:lòe.