Tiqcé vní pè dvzv́r bǿà we

Tiqcé vní pè dvzv́r bǿà we (Mark 6:7-13)

Yesuí nø tiqcé vní pè svng Ang yv́ng goa:tnà dá:ngí, vní gǿ vní gǿ dvzá:ròe. Mvmv́ng cáng kaq lúng dv́nglv́m vmíng vkv́ng gø A:ngí angmaq svng zíòe. de 8 Tvrà dvpvt dvrv̀ng wa mø̀í nìnø, mvzv́ng gø, tòngzv̀n gø, juqnv́m taq gv̀msùng gø, dvgá kapà gø mvlv́nglv́m, A:ngí angmaq svng dvká:mòe. 

Híshvnam nø gweshì dv̀ng íe, ínìgø bèlaq vní dùng mvgwashìlv́m dvká:mòe. 10 Vrá angmaq svng, “Kayv́ng ètuqv́mnøng nìgø, namaq kachø̀m svng ègòngv́mnø̀ng nìnø, we mvrìng kèní mèbúngnøng dv́ngte nø wechø̀m taq v́ldv̀ng èwànø̀ng. 11 Kayv́ng namaq svng mènàtovtnøng nø, namaq kà rì svng gø mètáanø̀ng we vl nìnø, weyv́ng kèní èbúng daqnø̀ng kvt, angmaq svng vchaqlv́m shvkse wáshìlv́m dvpvt, namaq hípvng vyin we dvtø̀l nàchaqshi ránøng,” a:lòe.

Wekvt wepèla búngá:mì nø, nøt língshì rà we mvshǿl dvsha:ngòe. 13 Angmaqí cáng gø mvme lùng bǿà nø, za we mvme gǿ svng zanlún yøtìí ma:tnò nø dvbānaòe.f

Vpø' íwe vnvmchvngmaq dvzvr tiqcé vní pè mvdvm Vkangpè Yesu í Gvray dvbùshang mongkà dvshvng nø za yvng dvjvng rì dvshér lvm vmìng vkang, chutchvng we jèjú ìshøt rì zí yangà, dvká:m yangà pàdø Vkangpè Yesuò dvzar rì, shvngømré taqkèní vrá tiq dvtvng Gvray gvsangò mongkà svng dvshvng nø Pvlàcè ìshøt zílvm Talen vtoshì lúnò we Shvrúngshú Fr, Brother, Sister, Mongkà shølshú Svra rì, svramaq rì kaq svng gø vpø' shvring taqsórí Pvlàcè kvmnønt nònggùn kūnga lùshì lúnlvm deká:mìe.

Shvngbe svng oqā.