Hí wur shì vsvng dvbā:nò we

Hí wur shì vsvng dvbā:nò we
 Yerusalem Vyv̀ng bv́ngkà tiq lapmø, kùngjv̀m pungwà lòng vl nø, Hebru kàí Betzata, wa tǿò we tìdøm tiq lòng v̄le. 3 taq nø zari, nede, hize rì, hí wur shì rì loksok tiq mvdò vyálshì nø, (tì bvlōngshi long we svng caòe.* Kadø íe wa nìnø rvtø̀ vhø̄m ra dvgvp, Vkàngpè Ang muqlàng dvzv́r tiq gǿ tìdøm svng lashì daq weí tì bvlong lú:ngò kvt kagǿ vzv̀ng vzv́lshìvm nìnø, ang kapà:ní za nìgø banvme.)  Weyv́ngø, vshø̀mcé vshvt nǿng zà daqì we vsvng tiq gǿ vbáe. Ang vyálshì da we svng Yesuí yv̀ng bǿà nø, gvzà vlé dø ang zà yà:ngì we shá bǿà kvt, wepè svng A:ngí, “Nà ban mèyǿ ma?” a:lòe.  Za pèí Ang svng vtà:ngò nø, “Vshaq pèá, tì bvlong lú:ngò dvgvp, tìdøm svng ngà kaq zv́nglv́m vsvng màvl. Ngà shøtshø̀ng dvgvp, ngà vzv̀ng dvgá vsvng lè zønshivme,” a:lòe. Yesuí ang svng, “Ekungshì; nà pvlu èlv̄ngshì nø èdi,” a:lòe.  Wela:ngí wepè zǿmá:mì nø, ang pvlu lv̄ngshì nø dìá:mì. Weni nø Narni íe.  Wervtnø̀ dvbanshaq pè svng Yuda vsvng rìí, “Dèni nø Narni íe, nà pvlu lvngshilv́m dvrá màvl,” a:lòe.  Iwe à:ngí angmaq svng, “Ngà svng dèban bǿngà pèí, ‘Nà pvlu èlv̄ngshì nø èdi,’ èv̄le,” a:lòe.  Angmaqí, “‘Nà svng pvlu èlv̄ngshì nø èdi,’ èvl pè nø kagǿ íe?” wa rø:tnoe.  Iwe wezàngø vsvng gø luq nø, Yesu gø yilshìá:mì rvt, ang kaq dvban bǿà pè nø kagǿ í we mvshá bǿà.  Wemèpvng, Noqngø̀m Tø̀ngnø taq ang svng Yesuí yv̀ng bǿà kvt, “Eyà:ngò, nà nø dvbanshaq èíá:mì. Yamvdv̀m té mvgv̄m we màhǿmlv́m rvt akvt kèní mvrà mèwani,” a:lòe. e 15 Vsvng wepè dìá:mì nø, Yuda vsvng rì kaq, ang svng dvbana:pmà pè nø Yesu í we dvtáòe. 16 Yesuí Narni taq yarì wàò rvtnø, Yuda vsvng rì Ang svng vré mvnshìe.