Shvlē Bóy svng Yesu di we

Shvlē Bóy svng Yesu di we
Nǿng vrv̀m Yesu angpè angmèní nø Yerusalem Shvlē Bóy svng die.  Ang bat tiqcé vní nǿng høqa:tnà nǿng gø, angwà bóy vtóng dø cà:nò nø, angmaq wedø bóy svng dìá:mì. Bóy wá dv́ng bǿà rvt angmaq loá:mì ke, lvngà svré Yesu nø mèpv̄nglap Yerusalemø vlā ráà we angpè níí nø mvdǿ:mò.  Ang nø rv̀mnvng cèrì nvng vleá:mì lá:nò nø tiq ni dí tvrà høq bǿà kē, ang rì angrvp rì nvng vshákē vsvngrì dvhø̀ø̄ láò nìgø, Ang svng lá mvlún bǿà rvt, angní nø Yerusalem svng bat vtv́ng nø láá:mà.  Vshø̀m ni mèpvng wa, noqngø̀m Tø̀ngnø vdòngø Ang nø shvngøtshúrì dvhø̀ø̄ rūng nø, angmaq kà gø tá mā:nò nø, angmaq svng røt gø røt mā:nò nø v̄l dā we, angníí lá lún bǿà.  Ang kà táò rì shvngbe nø, Ang zitnøt rálnøt v̄l we nvng A:ngí vtà:ngò kàrì svng dàe. 

Ang svng yv̀ng bǿà kvt angní vtiq á:mì. Wekvt angmèí Ang svng, “Vcèá, pàwálv́m ngàní svng yadø dvshá èwāshàe ma? Nvpè ó ngàní nø Nà rvtnø nøt dvshàshì sórí Nà svng lávtshà,” a:lòe.  A:ngí angní svng, “Pàwálv́m Ngà svng èláshàe? Ngà nø Vpè chø̀m taq v́l rà we* svng nàníí mèsháshò ma?” a:lòe.  Iwe A:ngí a:lò kà svng angníí mvcí:ngò.  Wekvt Ang nø angní nvng tiqdø yøtshì nø Nazaret mvrìng svng loá:mì. Ang nø angníí ø:pmò we lv̀ngpvng kà tā nø v̄le. Angmèí mv̀ng nø ang nøt vdòngø kà yadv́ngte shvngbe mvsø̄:ngòe.