Pán vshat caò we dvzømshú

Gvray Mongka

Luka 12:35-38

 Namaq juq taq juqnv́m ènv́mshìnøng nø, svmigwìn gø dèciqshìnø̀ng. Zvmì shvzø̄ng bóy kèní vtv́ng rā we angkàng pè svng cāò we vshuq dø, Ang tuq ra nø bv́ngkà vkoqa:tnò ke Ang svng chàng tánā lúnlv́m dègǿshìnøng.  Angkàng pè tuq rā kvt pán vshat nø ca dáò we svng yv̀ng bǿò nìnø, vshuq werìí nø ìshøt ìgv̀n lú:nòe. Ngàí jø̀ngjǿng v̄la:tnìni, angkàng wepèí nø ang vshuqrì svng v́mpà v́mlv́m rúng dvzá:rò dá:ngí, ang nø juqnv́m nv́mshi nø angmaq svng a:ngí ni dvzøma:tnòe.  Ang nø yaqdø̀ng vnírí warí taq, mø̀íni vshø̀mrí warí taq tuq ra nìgø, wedøni vshat nø ca dáò we svng a:ngí yv̀ng bǿò nìnø, vshuq werìí nø ìshøt ìgv̀n lú:nòe.