Màmvsø̄nga kélvm

Gvray Dvbu Shvnka

Luka 17:1-6

 Yesuí Ang coqcv́nrì svng, “Nøt vtøplvmrà mvbūng dø nø wá mvlúnshì. Wedø ínìgø nøt vtøprà dvbūng lú:ngò gǿ mv̀ng nø mvhøt longe. Cv̀mrécè yarì taqkèní tiq gǿ svng nøt vtøp dvzv́r* bǿò gǿ svng nø, ang lóngjvng taq loklv̄ng mè tiq chv̀ng dvchūng dv̀ng tìnúng vdòng svng gur bǿò lòng nø wegǿ dvpvt té shvlae.  Namaq nàyáshìnøng. Nvnvm nvchā:ngì nàlévt nìnø, ang svng èngā:nò. Ang vwv́ngshì rā nìnø, ang mvrà èchutnaò. Tiq ni taq shvngøt kvt nàlévtnøng nø shvngøt kvt vwv́ngshi ra nø namaq svng, ‘Ngà nøt vwv́ngshø̀nge,’ wa rā ni nø, ang svng èchutnānø̀ng,” a:lòe.  Wekvt dvzv́r rìí Vkàngpè svng, “Nøngmaq svng kv́mnøt shèluqashà,” wa røtshìe. d 6 Vkàngpèí, “Namaq kv́mnøt nø mvngāshí tiq chv̀ng dv́ngtecè wa la èvlnø̀ng nìnø, bvlø̄ngyì shǿng yagùng svng namaqí, ‘Yayv́ng kèní rø nvng èpúlshì nø, nvmukdvra taq èyovm,’ èv̄lnøng nìgø, ang nø namaq kà tā longe,” a:lòe. e