Gvray Dvbu Mongka

Gvray Dvbu Mongka

Dvzvrri 13:26-33

Vnvm vchvng rìé, Abraham pvlí pvlaqrì nvng namaq dvhø̀ taq Gvray kaq vpǿ sèrenøng we wv́ngzà dvcì rìé, gø̀nshaq lúnlv́m shv̀ngkà yalòng nø, nøngmaq svng èsháa daqshà. t 27 Kadø íe wani Yerusalemø vl rì nvng angmaq dù rìí nø, Ang svng gø màmvshá:lò nø, ang svng kà ra:tnò weí Narni vrv̀m røò we kàdvtut kàrì wá dvgø̄m bǿà. u 28 Ang shí vpǿ we nalv́m kàciq kapà mvyà:ngò nìgø, wedøni Ang svng shvtlv́m dvpvt Pilat svng rø:tnòe. v 29 Ang svng tvnuò nø vrū yà:ngà we shvngbe angmaqí cv́n dvgø̄m bǿà dá:ngí, shǿngtø̀ng kèní Ang svng ka daqà nø, lóngdùng dvgv̀m vdòngø vyà:lòe. w 30 Inìgø Gvrayí shì yv́ng kèní Ang svng dvzun bǿà nø, x 31 Galili móng kèní Yerusalem svng Ang nvng tiqdø ngang lú:ngì mvdòí nø Ang svng mvme ni dv́ngte yà:ngòe. Akvt Israel cèrì svng Ang dvpvt shvkse wáshì rì nø angmaq ni íe. y 32-33 Vkop vkàngmaq svng dv́na yà:ngà we dv́nkà nø, Gvrayí Yesu svng dvzun bǿà yv́ng kèní, angmaq pvlí pvlaqrì nøngmaq dvpvt A:ngí dvhø̄m bǿà, wa we Dvbùshv̀ngkà nø, nøngmaqí namaq svng ríāvtshà. Yalòng nø, Shvgùn Zàywà kàru vní gø̀m taq, ‘Nà nø Ngàcè pè èíe, dèni Ngàí Nà svng shvzat bǿngà,’ wa nø, vrū yà:ngà dø tiqdvchá íe.