Kàngpè Yesu dvkv́m kà

Mati 28:16-20

16 Iwe, coqcv́n tiqcé tiq pè nø Galili rvgaq svng búngá:mì nø, Yesuí angmaq svng v̄la:pmà mvrùl svng dìá:mì. g 17 Angmaqí Ang svng yv̀ng bǿà kvt, køtngǿmshì nø noqòe. Iwe, tiqmaq nø dvtiqshìe. 18 Wervt Yesu nø angmaq yv́ng dì ráì nø, “Muqlàng nvng rvgaq taqò vmíng vkv́ng shvngbe nø Ngà svng vzíshaq íe. h 19 Wervt namaq èdìv́mnøng nø vsvng dvcì í dv́ngte taqkèní rvcv́ngcè wáshì dèzv́rnøng nø, Vpè, Angcè pè nvng Shànshér Pvlàcè bø̀ng taqkèní angmaq svng tiløp èløpmanøng. i 20 Ngàí namaq svng dvkv́m bǿshà dv́ngte shvngbe angmaqí lvcv̀n lú:ngò dø shèngøtnøng. Eyv̀ngnøng, rvgaq mvpìm yabàn lv̀ngdø̀m høq Ngà nø kadvgvp gø namaq nvng tiqdø v̀llv́m íe,” a:lòe.