Shvlaq nvng gálòng kàshvbóng

Mati 5:13-16

Namaq nø rvgaq taq v̄l rì dvpvt shvlaq èínønge. Iwe, shvlaq nø kíshaq bø̀lvm nìnø, vrá lvkí long dø wá màshvla rvt pà vjú màvl. Pv̄nglap svng gu:rò nø, vsa:ngí lv̄mlv́m wa íe. k 14 Namaq nø rvgaq taq v̄l rì dvpvt gálòng èínønge. Būnglut yv́ngø shvzøngshaq wamà nø má màshvla. l 15 Vrá, svmigwìn gø, dvciqò dá:ngí mvgù:rí ku:pmò we kagǿ gø màvl. Svmi shvrúngrà taq lè shvrú:ngò nø, chø̀m taq vl rì shvngbe svng dvgáāòe. m 16 Wedø tiqdvchá, namaqí shvla we bv̀nlì èwànø̀ng we svng vsvngrìí yà:ngò nø, muqlàng taqlapmø v̄l pè namaq Nvpè ngø̀r dvgùng svng lashvrīng lú:ngò dø, namaq gálòng nø angmaq mv́rdv̀ngø dègáānø̀ng.