" Mvjòr rì svng go we "

 " Mvjòr rì svng go we " Mati 11:28-30 (20 , junly 23)

RVA Rvwang Asia, Shvngkà tvyø lvmvng svng ètashìnøng we Vpø íwe pèmè vnvmchvngmaq shvngbe svng Pàmvrà wà íe.Dèni Pvlàcè nònggùn lùshì lvm, nònggùn vzíké lvm Gvray móngkà nø (Mati 11:28-30 ) ciq vdòng  " Mvjòr rì svng go we " Mongkà taqkèní íe.Vpø íwe pèmè vnvmchvngmaq,
Dèniò Gvray dvbùshang mongkà taq nø Vkangpè Yesuí “Vlishì we døngjá èrínøng nø mèjòrnøng rì namaqé, Ngà yv́ng svng èdi ránøng; Ngàí namaq svng nārshì dvzv́ra:tnìni. Ngà paqdv̀ng nø rí nàm nø, Ngà døngjá gø vnànge,” wànø shóngnøntní ègo íwe Mongkà íē.

Vpø íwe pèmè vnvmchvngmaq,(1) Vkangpèò døngjá nø vnànge. Pàwàlvm wàni Vkangpè Yesuò døngjá nø shóngnønt døngjá í rvt íe, walòng svng yv'nglún shìe. (2) Vkangpè Yesu Hkristuò døngjá nø vnànge. Pàwàlvm wàni nøngmaq tiqgø' í wā rí í we døngjá mø-í, Vkangpè nvng tiqdø rí í we døngjá íe, wàdang svng dvdvm dvzvrè. Nøngmaqò ni vrvm lvpat taqø bvnlì døngjá rì íwe Døngku bvnlìrì, shiwa bvnlìrì angpvnpvn dvn zøngè. Vm-aq lvm tvrà, Døngku tvrà , wurlaq tvrà , Vsvng mvngpòng nvng v-toq v-tìp we tvrà, vrá nø Shiqshan tvrà rì, àng-yá dvtvng mvhøtlvm yvklvm rì, wè wā mv-taq Nønt mvgørlvm rì nvng nøngmaq cúnshì vdùe.

Íni gø Gvray nvng vzø'm nø cúnshì we lvpat , nøngmaqò vbat, nøngmaq bøn mvyø íwe Nønt, nøngmaqò mvsøn nvrøm vdòng taq Hkristu nvng tiqdø vzø'm nø cúnshàì kvtwa mongzøl lúnè. Sømsaq lúnè. Byō lúnè. Vrá nø, Nøngmaqò lvpat taqø bvnlì shvjvn rì dvshér nø, Vkangpè Yesu àng mvrdvng taq, àng Wūr taq tvle nø vp sórí lvpat tvrà rì svng shóngnøntní Gvray nvng vzø'm vzap cvndvgømì weí cúnshì laqlúni wvng dvshat nø nònggùn zí mvyøngè. Shvngbeí Gvray mongzøl lòng nvng Shiqshan mongzøl lòng vtoshì laqlúnì. Shvngbe svng oqā.