Angpè, mè maqò Gvmsùng nvng game gvsøp we Fb langnø rvtø dvbe Shìnø vlwe ya rvtø rìtaq, (10) nøng rvm wa íwe Cvmré gøí Angpè,mè svng dvkùmò we dvzáng.

Angpè, mè maqò Gvmsùng nvng game gvsøp we Fb langnø rvtø dvbe Shìnø vlwe ya rvtø rìtaq, (10) nøng rvm wa íwe Cvmré gøí Angpè,mè svng dvkùmò we dvzáng.

Shóngshøng we pèmè maq Cvmrécèrìí Angpè angmè maq svng dvkùm lvm nø bønwe ímá dvdvm lvm vle. Tiqmaq ínø angcè vdá raì høq angpè angmè maqí wa dvkùmò we vsvng rìgø vle. Dà lvm døíwe (10) nøng rvm wa íwe Cvmrécè tiqgø í angpè angmè svng dvkùmò we kaqsvng dvtit dvle lvm íe. Tiqnì vyáng rvwe taq cycle nvng myoq yáng dike tvrà mvdvm yvng cycle hí kwang nvm bøng jaq bøì nø, rvbaq rà bøì we íe. Nvmlvt tiq tuq we sing yvng nø Shaqré pèí yvngònø jut tvlè ràe, wae. Clivk cycle írvt nø ngàí pyut mvdá:ngò ãpvn nø gvza yake, wae. Wedø írvt zan dvtut rvbaqò nø døng bø:ngà ke vzøng lvp yvng nì cycle hí kwang nvmbøng Dvcøpò we sing svng yvng bø:ngà nø we yáng gòng bø:ngà we íe. We sing yáng cycle dvcøp mòpè vsvk nø(10) nøng rvmwa írvt mvdang daq we íe wangnø dvdvm bø:ngà we íe. Ang bøng nø rvm shvr tø shìe. Zùng nø (4) dán lùng we íe, wae. Click cycle svng ang tiqgøcè íwa vbønò nø cycle híkwang svng yól wacè catònø ang shvr dvcøp bøã we íe. Gvza bøn we tiqpe íe. Angpè sing ínø zùng mvlòng we nìla taq dvbang shìwe íe. Ang (8) nøng ram kení dvbang shøngwe írvt vkat nø gvza shá bø:ngà we íe. Ang nø ang lvpvt vháng lvm dvpvt vløm shì lvm paqzí lún shì bøì we íe. Yayáng shøn mvyøng wenø angpè angmè maq vdèò angcø angcèrì kaq svng bvnlì dvzvr ràe. Vdá mvgàm we rìgø dvshà we vsvng rìgø Angcø angcèrì kaqsvng bvnlì dvzvr lvm wàì.

Bvnli wa Shìwe nø nøt tøng dvzvr we tiq tvrà gø íe. Vdè wa dvzaq shìnø lúnshì we gvmsùng rìsvng vpø sháshì bøì we rvtnø, kadvgvp gø mvshvla we tvrà dang mvtuq nø, lvgùn lvm gø mvl long we íe. Angpè angmè maq nø sharán vjø nìgø angsèn dan we cycle shvlá, modò shvlá zúnshì dvzvr we kaqsvng sháshìe. Wekvt Angcø angcèrì nø angpè angmè rìkaq svng gø dvdvmă mvshá Shì bøì we íe. Dvsháza lvm kaqsvng gø dvdvm mvsháò dángí bvnlì gø wá mvne shì bøì we íe. Wedø írvt vdèò lvpt tvrà svng gø mvshá shìbø nø híhí háhá vwawa dø télúng ìnø vháng lvm mv-vl lvpvt dvbe shì lvm wa íe. Ya bat cvmrérì té mvlúng ka taq game nvng Facebook gvcøp lvm kaqsvng nø gvza vjú vlwe lánshì nø rvtø vrvm gvcøp we svng yáng lún shìe. Vdèí lúnò we gvmsung rìnvng gvcøp nìnø shøn lvm mv-vl we íe. Gvmsùng ang póng zíò nìgø mepvng nø bé lvm wa íe. Wedø írvt gùmsòng lúnlvm dang paqzí rì kaqsvng cvn nàò nìnø tiq dvciq lvpvt vmvng lvm mví we íe. Vdèò angcø angcèrì kaqsvng shóng shì nìnø lvpvt kømzøp nø shvla we angcè rìsvng lúnlvm dvpvt paqzí nvng bvnlì kaqsvng dvzaq shì dvzvr lvm waì.