Vdè nø vdèò góngsvng øpshì lvm dang.

Vdè nø vdèò góngsvng øpshì lvm dang.

Vdè nø vdèò góng svng øpshì wenø vdèò góng svng ká:ngshì wewa èshønò nìgø mvshut shì. Vdè nø vdè øpshì lvm màvl vsvng vsvng tiqgø nø pvlàcè dang vháng lvm mvl, mònggàn dang taqgø vháng lúnlvm mvl we íe. Vdè nø vdeò góngsvng øpshì we mvl, nøzì wúwe wa wáshì nìnø shiqshvn wedang krvtsøm lvm wa ílonge. Vdè nø vdè øpshì wenø vdèò góngsvng vpøò we íe. Vdè nø vde shóngshì we gø íe. Nànø yùlwe tvrà svng mvcvn nø Vdèò nøtsvng zang dvtut øpshì lún ràe. Vháng lúnwe vsvng rìnø yùlwe dang svng mvcvn we vsvng rìínø yùlwe dang taq rvtø dvbé Shìwe vsvng mø:í. Nyàn paqzí dangsvng vpøò nø nøttøn shìnø dvzaq shiwe vsvng rìnø téring we vsvng rìí longe. Vháng we vsvng rìnø krvtsømwe vsvngrì wá mvnè shìwe bvnlì svng wàò we laqyà rì vle wanø lèga vru Svra rì nvng paqzí vdèpè EM. Grayí shønò we íe. Angmaqí gø shòng:òwe mví. Wedø mvshòngò we rìsvng nøntøn shìnø vdèò Lvpvt vháng lúnlvm shvdøng dvzaq shìwe dang íe. (19) yámvsuq rvtø taq lèga vru Svra gvbà Thomas Henry Huxley ígø wedø tiq dvchá lèga vru yàng ngà. Nyàn paqzí bøn vtàng rìnø, wá vdù we bvnlì rì kaqsvng shòngò we ínìgø, mvshòngò we ínìgø bvnlì dángshì høq dvzaq shìwe vsvng íe, wae.

Aristotel ígø wedø dvdvm sháò nø zitnøt rvrnøt vlwe kaqsvng dvgá tiqdang kū shøn yvng ngà we íe. Nøngmaq nø kadáng te cvnshìwe ínøgø chvpdvp waò lòngí cvnshì shvlae. Dòrò møt svra nø dorò møtnø vlrae. Døngmvn we vsvng tiqgø nø døngmvn we tvra dang cvnràe. Vdè nø vdeò vyá shìlún lvm, vdè nø vdè vyá shìràe. Vzaq Shìwe vsvng tiqgø ílvm vzaq Shìwe bvnlì waràe. Pvlacè dang taq vháng we ínìgø, mònggàn dang taq vháng we írìnø, vdè nø vdèò góngsvng øpshì lúnò rvt íe. Vdè nø vdèò góngsvng øpshì lúnlvm dvpvt kàngpè Yesuí tiqkà shønò we, wekà svng Cvndøng lvm vchvk we íe. We kànø (lk 9: 23). A:ngí shvngbe svng rá a:lò we nø, “Ngà mèpvng cv́n mvyǿ we kagǿ ínìgø, vdè svng mà mvpáshishaq, ni vrv̀m vdè wurgang baqshi taqsórí Ngà mèpvng laq cv̀n ra.