Vlǿm rà zi pè Gvrayí kv́mnøt taq kèní dvbùlv́m, mòngzø̀llv́m shvngbe nvng Shànshér Pvlàcè nònggùn kèní nàmaq svng vlǿm rà dv̀n leq dèzǿnga daqnø̀ng.

Jeremin 29:11

Yehowa wae. “Namaq dvpvt tv́n dvgáni vlǿmrà v̀llv́m, dvshà mvhøtlv́m mø̀í dø, namaq v́l lúnshìlv́m lòng lè Ngàí gvcvtnaì we svng shángshø̀nge, wvnge.

2korintu 4:18

Nøngmaq nø neí yv́ngshì rì svng cāì we nø mø̀í, mvyà:ngì rì svng lè cāì we íe. Pàwálv́m wani neí yà:ngì rì nø tiq rvtø̀cè dvpvt wa í nø, neí mvyà:ngì rì nø dvciq lvpat zá:nò lòng íe.

Roma 12:12

Nøt vlǿmshì dang taq dèbùnøng. Dvshà mvhøt we taq ètø̄nshìnøng. Vjúrøt we taq tǿngtǿng wa dèzaqshinøng.

Shvngun Zaywa147:11

Yehowa nø Ang svng vpǿ svrerì kaq wv́mshì nø, Ang mvkok dvdínøt kaq vlǿmshìrì svng shvrúnge.

                       Roma 15:4

Kadø íe wa nìnø darì dvgvp vrū yà:ngà we Shànshér Kàru kakà ínìgø, nøngmaq svng shvngøt dvtúlv́m rvt vrū yà:ngà we í nø, zánnøt à:lì taqsórí Shànshér Kàru kèní nøt shvlǿmshì lú:nì yv́ng kèní, nøngmaqí nøt vlǿmrà lúnlv́m dvpvt èíaìe.

 Kashvgxp3:18

Vzv̀ng kaq nà dvpvt vlǿmrà nø jø̀ngjǿng èv́lae. Nà vlǿmrà welòng nø màmv̄ng dā.

Shvngun Zaywa16:9

Wervt ngà dòngnøt nø shaqshaq wa dvbùe. Ngà mvsø̀:ní gø shvringshvtàòe. Ngà shagóng gø ngv̀ngtǿng dø v́ldv̀ng wá lúnòe.

Yeremia 17:7

Yehowa taq vlǿmshì nø, Yehowa taq shaqkv́mshìrà wáshì gǿí mv̀ng nø ìshøt ìgv̀n lún lú:ngòe.

Roma 15:13

Vlǿm rà zi pè Gvrayí kv́mnøt taq kèní dvbùlv́m, mòngzø̀llv́m shvngbe nvng Shànshér Pvlàcè nònggùn kèní nàmaq svng vlǿm rà dv̀n leq dèzǿnga daqnø̀ng.

Shvngun Zaywa 62:5-6

Ngà dòngnøtná, shø̀mwa Gvray kaq ècāò. Kadø íe wani ngà nøtvlǿmshìrà nø Ang taqkèní wa íe. e 6 Ngà lóngdø̀ng nvng ngà gø̀nshaq dvtutnāshú nø Ang wa íe. Ngà dvkøqshìrà cìlzunzvng nø Ang í rvt, ngà màjūnshø̀ng long.