Lvpat taq nvngòn lushì shvlawe kà 23 kà

Lvpat taq nvngòn lushì shvlawe kà 23 kà

1. Lvpat nvng shøngranwe yøpnvng ègvlshì wekvtwa byowe lvpat taq cúnshì èlún daqòe.

2. Tiqdá vsvngrìí vzàng vtoq shì rawe svng calvm tvle nà taqkèní vzàng àngmaq kaq vtoqshì we èwàò.

3. Dang vrvm taq yùl:ewanø pàti mvlánwe mewani, vsvng tiqgøò lvpat tvrà taq yùl yùl cèíwa bønwe mvvl.

4. Àngdègóng àngdè kámshìnøt èvl lòng taqkèní wa dánglúngwe kùngà lúngshì we íe.

5. Nøt:í mèdèdam:ò nø èwàò we yángkèní jòwe tvrà wawe nø 100 wvl taqkèní 1 wvl dángte wa vl longe.

6. Gùm taq vtì tiqgácè zangwenø vhúng íwe mvdàm téwa vjú vl longe.

7. Gàm shvlá lvm rvtø svngwa ècaò dángtenø nyan vlwe vsvng tiqgø kadøgø bønlvm mvvl long.

8. Dvsháza nøt nø àngdèò lvpat tvra shvlálvm dvpat tì-aq rø ni íe.

9. Nøt vyàng kewe mvvl lvm dvpat nø tasvng síngsháā ké ràwe íe.

10. Àngdèí nàhøm bøòwe kvtwa dvsháza nøt gvlshì wenø svng bál ni íe.

11. Lvpat wawe nø vsvng tiqgøò nøt laqyà svng vlíng vpo dvzvŕ lúnòe.

12. Àngdè taq ràwe dangrì shvngbe kømzøp rakvtwa bvnlì walvm íe wanø ècàò we ínìnø vwadø rvtø dèdøm:ò we wa ílonge.

13. Vsvng wawe nø vlé shì sháì vsvngrì wa íe wawe ínìgø àngkvt kvt vléshì wenø bøn mvdaq.

14. Lvpat walòngnø paqzí ínø vsvng màngpòng mvdòrìnø zùng íe wanø shøn lúnshìe.

15. Shìwvtrì shvnvngø shvla we tvrà vl longe.

16. Lvpat nàhángvmwe ínìgø ídømshìwe nøtlòng mèdè hàngni.

17. Nøttøng nøtdøngwe tvrà svng vtù rawe kvt vzaqshì nøtí gècatnò.

18. Lvpat wawe nø vløtnò we ku cúnshì lúnwe mø:í.

19. Gvyaqshìvm we pvn vrvm taq kèní té vtang cømvm we nø nøt laqyà gvyaqshìvm long íe.

20. Shóngnøt ratnø gønshaq zíshì lvm kamshønge wanø dvgùng mèlu shìni, welòngnø welòngnø svng bál rìò laqyà ívme.

21. Síng sháā we nøt èvl dángtenø mvkoknøt svng shvzatā èlúnòe.

22. Vsvngrì nvng vzøm vzap we tvrà taq mvdøng vchyak we nø vhøshì we mvrshvm íe.

23. Nøt mvgør nøt mèpvngø kadvgvpgø vléshì we cvnsháòe