Vsvng tiq gǿ nø ang shóngshì rv̀mnvng dvpvt ang gø̀nshaq dvbǿmshì we yalòng mvdv̀m té ring we shóngnøt nø kagǿ gø̄ màvl.

Ngà nø cv̀mrécè ǿng dvgvp, cv̀mré døni kà shø̀n nø, cv̀mréí dvdā:mò dø dvdv̄mò nø, cv̀mréí rà:lò dø̄ wa ràl yv̀ngà. Akvt ngà téng lóngà kvt nø, cv̀mré nøt rì gur bǿngà. 12 Kadø íe wani akvt nøngmaqí nø mv́ryv́ng jv̀mna taq yv́ngshì dø mánmán wa yà:ngìe. Wervtø̀ tuq rā kvt mv̀ng nø, chaqdvp yv̀ng lú:ngìe. Akvt ngàí nø tiqmaq wa shángòe; wervtø̀ tuq rā kvt mv̀ng nø, Vkàngpèí ngà svng shá vdv́ngshaq dø tiqdvchá ngàí gø sháng lóngòe. g 13 Akvt v̄l we nø kv́mnøt, vlǿmrà nvng shóngnøt, ya vshø̀m pv̀n v̄le. Ya vshø̀m pv̀n taqkèní rīng vtv̄ng we nø shóngnøt íe.

Marko 12:29-31

Yesuí vtá:nò nø, “‘Israel dvcì cèrìé, ètá dánøng! Vkàngpè nøngmaq Gvray nø, Ang tiq gǿ wa í pè Gvray íe. Dvkv́mkà rì shvngbe taqkèní nv̀mlat tiq í we ciq nø yaciq íe; n 30 Nà tiqnøt shvngbeí gø, nà dòngnøt shvngbeí gø, nà shánøt shvngbeí gø, nà nònggùn shvngbeí gø, Vkàngpè nà Gvray kaq shóngshì ràe,’ wa ciq íe. o 31 Vní ciq wa ciq nø, ‘Nà vdè góng svng èshóngshi dø, nà tiqdv́ng vsvng kaq shóngshì ràe,’ wa ciq íe. Ya vní ciq mvdv̀m ring we dvkv́mkà nø màvl,” a:lòe.

Yohan15:13

Vsvng tiq gǿ nø ang shóngshì rv̀mnvng dvpvt ang gø̀nshaq dvbǿmshì we yalòng mvdv̀m té ring we shóngnøt nø kagǿ gø̄ màvl.

1korintu 16:14-15

Namaqí èwànø̀ng dv́ngte shvngbe nø shóngnø:tní dvchǿng èwànø̀ng. 15 Vnvm vchvng rìé, namaqí èshánøng dø̄, Stefanas rvp nø Akaya móng taq, angshí vwat gø̄ í we mvdv̀mø, rvcv́ngcè rì svng dvzøm bv̀nlì taq gø̄ angmaq ni nøt lø̀mlø̀m dvzaqshì we íe.