Angpè nvng Cvmré Goqnicè Shóngnøt Vdøn Lvmdang Nvmlvt (1).

Angpè nvng Cvmré Goqnicè Shóngnøt Vdøn Lvmdang Nvmlvt (1).

Nøngmaq døngku pèla nø (9) shvlá cvmré rí, mvrà we ínìgø cvmré goqnicèò shóngnøt ngàngdøng we lúnlvm dvpvt

dvtit tvlè lvm íe. Nøngmaq døngkù pèlà témvlòng nø cvmré goqnicè nvng gvza vzømì we mv-vl shàe.

Angmè maqnø (9) shvlá pvwá taqríò we írvt cvmré goqnicè nvng rvtø vrvm vtoqvtip nø vlwe íe. Wedø ínìgø nøngmaq

døngkù pèlà rìgø cvmré goqnicè shìni mvshøqò rvtø kèní vtoqvtip shvlà we íe. Nøngmaq døngkù pèlàò shóngnøt svng

dvtvn lvmnø cvmré goqnicèò vzang lvpvt vháng lvm nvng singnø góng shiqshvn we vllvm dvpvt dvgáã alún wenø

nøngmaq angpè íwe shvngpe, vdèò angcè cvmré goqnicè nvng bìnmaì dø tiqdø vllún høq dvzaq shiràe.
 

Wervtnø nøngmaq angpèrì dvpvt, cvmré goqnicè nvng shóngnøt ngàngdøng we vllvm ang mvtú dang svng dvshvt

mvyø:nge. Shóngshøng we døngkù pèlà vdèò cvmré goqnicèò nvmlat rvtø svng Shvyúm mvdaq. Angpè nvng

cvmré goqnicè tiqdø vllún we nvmlat rvtø nø vzang nvlat shvlá taq shóngnøt ngàngdøng lvm vháng vlún nø vjú

vl dvzvr we íe. Cvmré shøq dáng bøà mèpvng kèní cvmré goqnicè nvng mèpvng (3) shvlá høq rvtø zí shìnø

vlràe wanø pàqzí vdè rìí dvtvnò we íe.

Angcè nvng angpè tiqdø ngøngdøng we vtoqvtip lvm gvza jò we dvgá dang nø mv-vl. Cvmrécè nè nvng vyvng kèwe,

vbònòwe, cvmré baqò ríò we nvng mvkún rì mvkún dvtvnò we rìgø wá vdu we íe.
 

Vrá nø nøngmaq cvmré goqnicè nvng góngshà ràké dvzvr we gø gún dvtøp lúnò we taq cvmré goqnicèò vgò mvcì

taq saituzin wawe svng tuklúnò we íe. We lùng nø cvmré goqnìcè dvpvt vgám ãwe wa shálún shìwe íe. Wervt nø

nøngmaq angpè rì lúng dang taq shvlá wacè rùng nø nvbòn we gø cvmré goqnìcè svng mòngzøl lvm zíshìnø

angpè nvng angcè dvhø taq vtoqvtip we tiqdang íe. Cvmré baqò kè mvdvm bèlaq mègwáò nìnø té shvlà we íe.

Cøng daq we ínìnø laqtòn í, mvdvm taq egøpã shvlàe.

Nøngmaq angpè rìí nø cvmré tì, shørnàò we rvtø, nòng dvcøqò we rvtø nvng svnín dvlè shìwe rvtø rìtaq dvbvng

ràe. Cvmré tiqgø' svng dvzøm dvté lvm kàdáng tè yatwe bvnlì íwe svng nøngmaq shvngbè í, sháìe. Nøngmaq

pèmè ní wedø bvnlì gvrán shìwe ínìnø angpè nvng angcè dvhø taq shóngnøt té vzøm lúnlvm tvrà wa vle.

Vrá nøngmaq angpèrì cvmré nvng tiqdø gvsop nø mvnshìwe svng gø wáràe. Ténø cvmrérì nvmwà vlwe rvtø taq

nøngmaq angpè rìí, cvmré nvng tiqdø gvsop mvn shìwe nø gvza shvlàe. Wedø cvmrérì nvng gvsop nø mvnshìwe

dang taq kèní lúnshì wenø shóngnøt té ngàngdøng we nvng cvmrérì svng vhø shì dvzvr wenø angmaq taq vlwe

lvngchà rìsvng té vtoqvtip lvm vzøm lúnshìnø té nvnggùn lún dvzvr we íe.

( Ngám shìwe vní tot svng tuqrà we lvbán taq dvshvng lvm íe).