Dvsházālv́m júrøtkà

Dvsházālv́m júrøtkà

Vshvt hǿng pvlvt gongcìng taq shvrá nø wàlv́m, zàywà mvdò shø̄lshú dvpvt Dawi Shvgùn Zàywà

Yehowaé, Nà shv̀mná èrí weí ngà svng mèngv̄nànøng. Nà shv̀mná nàcōr sórí ngà svng mèshønànøng.  Yehowaé, mvré èzāngà; pàwálv́m wani ngà shaq béng lóngà. Yehowaé, dèzǿm dèbān dakngà. Kadø íe wani ngà góng zàng nø rvlànge. Ngà dòngnøt mvsø̀n v́l dvshànge. Yehowaé, kadvgvp dvbānlv́m èwv̀ngàe ma?

 Yehowaé, nàwv́ng rā; ngà dòngnøt svng shèlut dakngà. Nà mvkok dvdí nø:tní ngà svng èchv́ngà. Eshìvm kvt nø kagǿí dvdv̄m rǿnlvm màvl. Zùpvng dangø Nà svng kagǿí oqà mvwarā.  Rvlàng weí ngà dāngv́mà. Yaq vrv̀m ngà nēcìí yøpjv̀m límkéòe. Ngà necìí námshìrà shaqá:mì. Rvyòng weí ngà nē mánmán wv̀ngv́mà. Ngà svng vtúshúrì rvt ngà nē wámv́mà.

Màshup we èwànø̀ngrì namaqé, ngà yv́ng kèní èrv́lshìnøng. Pawá wani ngà ngø̄ng we kà svng Yehowaí ètángāng bǿngà. Ngà kórshø̀ng kà svng Yehowaí ètángāng bǿngà. Ngà jurøt kàrì nø Yehowaí nàtōngānge. Ngà ngv̀nshàrì shvngbe nø shvraqshi nø nipnip vdv̀nvme. Angmaq lè batvwv́ng, chvnvnv́n shvraqshìv̄me.