Tìbøt Tì, Cvmrérì Dvpvt Vjúvlwe Dang.

Tìbøt Tì, Cvmrérì Dvpvt Vjúvlwe Dang.

Cvmré gonicèrì svng tìbøt tì, aq dvzvr wenø góngsha dvpvt gvzà vjú vlwe dang íe. Cvmrérì svng tìbøt tì, aq dvzvr wenø góngshà
dvpvt gvzà vjú vlwe dang írvt nø, dārī vkop vcì, vkàng maq lvpvt kèní zíshìwe íe. Wedø írvt, cvmrérì svng tìbøt tì, zílv́m dang tiq
dòngcè svng tàshì lv́m waì.

Tìbøt tì, svng vkvt nøngmaq lvpvt taq vlwe døngkūmè, døngkūpè lāmaqí bvnlì gvzà luq nø matā we írvt cvmrérì svng tìbøt tì, zíshì
we mv-vl bǿì we íe. Wervt nø Cvmrérì svng aq dvzvr wenø kadø vjúvlmá? Cvmrérì dvpvt kadø vjú vlmá waninø piqsutzà nvmlvt
zípv́ng shìwe írvt gvzà vjúvlwe dang íe.

Wedø piqsutzà zíshìwe taq dvgá vhàraq vlwe vnò, vkǿm, gwì, nvmg dvgá vjúvlwe v́mlvm aqlvm angpvn pvn svng dvtèì nø zílvm shvlàe,
shvlaq nø zv́ng marà. Wedø zíshìwe íninø télú:nyì mepvng taq rvsang we mavlnø kapvn gø v́mdang wà daqe.
Cvmrécèrì svng (6) shvlá høqnø angmèò nùng tiqpvn wa zíràe. Wedø ínigø (6) shvlá høqràì we cvmrérì svng nø piqsutzà zíshvlà bǿì
we íe. Yalùng svng nø Calcium myenmar page taq kèní dvtit tvle we íe, shv́ngbè svng oqà.