Nøt dvgoqrì kèní chv́nglv́m júrøtkà

Nøt dvgoqrì kèní chv́nglv́m júrøtkà

Vshvt hǿng pvlvt gongcìng taq møtlv́m, Zàywà mvdò shø̄lshú dvpvt Dawi Shvgùn Zàywà

Gvrayé, dèbv̄ngà. Kadø íe wani nøtlø̀m vsvng dvt mv̄nshìe.Nøtdøng vsvng gø, vsvng rì dvhø̀ taq kèní shv̄ngá:mì. Angmaq gǿ vrv̀m nø tiqdv́ng vsvng kaq kàjám wa shø̀n nø, kàhú:ngí shvrīng dvpéshì nø nøt vní nø:tní shø̀ne. Kàhú:ngí shvri:ngò we nònggøprì shvngbe nvng kàmèí dvshv́ngshì we pvlèrì svng gø,Gvrayí laq tu:tnò. “Nøngmaq pvlèí nøngmaqí dv́ngkéìe. Nøngmaqò nònggøp nø nøngmaqò ni èíāìe. Nøngmaq mvdv̀mø angkàng kagǿ v̄le ma?” wa shø̀ne.

Gvray yadø wae: “Dvsháchārì svng shvnip shvnā:lòrì* rvtnø gø, dvcǿ dvrvtrì rvyù rvyúngkà rvtnø gø, akvt Ngà búng weí, angmaqí mvrø:tnò yv́ng, nøt hwām mvwā yv́ng, ngàí rvdālv́m íe,” wae.Gvray Ang kàrì nø jø̀ng we kàdv́n íe. Wv̀m ràdv̀ng taq shù:rò nø, shvngøt dvtv̀ng dvchø̀:ngò we gv̀msùng nvng vbónge.  Gvrayé, angmaq svng Nàí ègār èyà:ngòe. Yamvril cèrì taqkèní Nàí angmaq svng kadvgvp gø ègārā daqòe. Pv̄ngtø̀m vsvng rì dvhø̀ taq, nǿmtuqtuq bv̀nlì mvgv́mrì dāng dvshv̄ng lú:ngò dvgvp nø, Gvray dvrá mvcv̀nrì gø kakaq màkaq vlv̄mshì nø vchā longe.