Lvpvt àngshv́r svng shølwe shòlaqré

Lvpvt àngshv́r svng shølwe shòlaqré

Lvpvt àngshv́r svng shøl we shølshú nø shòlaqré rì wani íe walòng svng dǿmshá ràlonge. Deni bat taq shòlaqré rì nø vzv̀ngkaq lvpat rì nvng vsháy bǿì we ínø̀ vdè nvng singwe shvrà àngdang dang rì taq dvzaq dvkángshì we vsv̀ngrì wani ílúngì.

Ya vbat ò shòlaqré rìí shølwe vbat nø mònggv̀n zìdang nvng vdu vbóngdø vháng ráì wegø íe. Wedø lvpvt zìdang nvng vdu vbóng dø dvzaq dvkángshì we tvrà taq vbá lúnlv́m dvpvt kadø íwe paqzí tvrà rì v́l ràwe ímá?

Team Leadership Skill v́l ràe. Shølshú paqzí wawe nø shòlaq ré, shaqré rì shvngbe taq v́l ràwe paqzí tiqlòng íe.

Vsv̀ng tiqmaq taq shølshú shvrà taq rungwe ínìgø nøt tǿng, nøt døng we mv-vl, shølshú wanø̀ vpǿvm mà shvla we vsv̀ngrì gø vl we íe.

Shølshú tiqgǿ wawe taq dang vrv̀m mvdàm shøl lúnwe nøt mvsø̀n kùngà, paqzí v́l ràlonge. Wervtnø̀ Leadership skill vlwe Team mvdò nø téwa shvla we àngshí àngwvt rì svng vtoshì lún wegø íe.

Communication skill v́l ràwe

Deni bat taq kapà bv̀nlì taq dèzømshì we ínìgø àngmvdò rìnvng vzø̀mnø bv̀nlì wáràwe írvtnø̀ Communication skill nø v́l ràwe íe.

Kadangshì cv̀mwe bv̀nlì svng èwàò we ínìgø, vsv̀ng mv̀ngpòng mvdò rìnvng èwawe ínìgø vsv̀ngrì nvng vdu vbóngdø vzø̀mlv́m, bv̀nlì rì jór lúnlv́m dvpvt Communication skill nø shvlá lv́m gvzà vchvk we íe.

Active bǿn ràwe

Rvtø̀ tvyø svng cv̀nnø zìdang vháng ráì we vbat taq shvngbe nø vnà, vne tánshì nø shò shò wa wálún lv́m gø vchvk tiqlòng taq vbá we íe.

Vdè ò jàng laqyà rì nø vbat taq cv̀n nø Professional bv̀nlì tvrà rì taq up to date bø̀n lv́m vchvk we íe. Shvngbe nø shø̀ngjung kewe vbat taq vdè tiqgǿ wa rúngdàng wàlv́m mǿí, lèga rø we tvrà taqgø dvzaq shì ràlonge.

Deni bat ò bv̀nlì tvrà rì taq mùnghuq pè, mùnghuq mè wawe mvdàm zitnøt nvng mvkrǿm mvdøp rì taq cv̀n nø̀ bv̀nlì wárà we vbat svng tuq bǿì. Paqzí zùng rì taq cvnshì bǿshà we lèga paqzírì wawe nø luqpø̀n we mǿí bǿì. Wervt vdè ò bv̀nlì kùlwàng taqcv̀n nø̀ zǿmdàngwe mvkrǿm mvdøp paqzí rì cvnshì lv́m vchvk we íe.

Research skill v́l ràwe

Yadø vháng ráì we vbat taq tiqgǿ nvng tiqgǿ shø̀ngjung kenø̀ kagǿ nø téwa Creative bø̀ne wawe kèní jór nònggwòn gø vsháy we íe.

Creative dang taq bø̀nlv́m tvrà nø Research luq luq wà lv́m vchvk longe. luq luq dvdam ràwe íe. Creative bø̀nlv́m dvpvt nø vdè shámvyǿ we tvrà, àng mvtú rì svng tøp tøp wa research wá ràlonge. Bv̀nlì tiqlòng svng èwà bǿò wekvt vdáng høq wàlv́m gø vchvk we íe.

Cv̀mwe bv̀nlì cèrì taq nøt mvtøp we tiqgǿ nø tewe bv̀nlì rì taqgø kadø gø nøt tøp lv́m tvrà mv-vl. Vdè ò ni vrv̀m lvpat tvrà dvpvt jàng laqyà shvla dø v́l lúnlv́m nvng shagóng shiqshàn tvrà dvpvt v́m-aq vnvtshì lv́m gø gvzà vchvk we íe.

Wervtnø̀ ni vrv̀m ò lvpvt tvrà taq shvla dø cúnshì nø mònggv̀n vsv̀ngrì tiqdàng cè dvpvt vjúzílún lv́m dvzaq shàì wawe dvtit tvle we íe.