Shvnsher Karu

Monday, May 04, 2020
Wedø ínìgø vzv̀ng ngà dvpvt vjú v̄le wvng dvdvmò dv́ngte, akvt nø Kristu dvpvt rvt vjú màvl we dvchǿng dvdutnòe. f 8 Wedø wa mvtaq, Kristu Yesu ngà Vkàngpè kaq shángò lòng nø, vpǿ vtv̄ng we í rvtnø, ngà vdáng dv́ngte pà ínìgø vjú màvl we wa dvdutnòe. Kristu svng ngàí lúnlv́m dvpvt, kapà tiq pv̀n ínìgø Ang dvpvt bv̀lcì dø wa dvdutnò nø, gurlv́m wa dvdutnòe. 9 Ngà nø Ang vdòngø v́l lúnò vsvng ǿngà nø, dvrá dang kení mø̀í dø, Kristu kaq kv́m yv́ng kèní lún we døngman lòng mv̀ng íe. Døngman we yalòng nø kv́mnøt rvtnø Gvray kení lún we íe.
kv́mnøt èv̀lnøng yv́ng kèní Kristu nø namaq nøt vdòng taq nv̀nnv̀n v́l lúnlv́m dvpvt gø røtnòe. Wemvdv̀mø namaq nø shóngnøt vdòngø angké ngv̀ng dø angrø̄ èzvrshìnøng dá:ngí, l 18 Kristu shóngnøt nø kadvngshì gwaq we, yv̄ng we, vháng we nvng rvnaq we svng, rvcv́ng cèrì nvng tiqdø namaqí gø shvlá wa cíngrál èlúnnøng we mvdv̀mø, m 19 Gvray Ang kø̀mgøm gø̀ we í dv́ngteí namaq svng dv̀n dvzǿnglv́m rvt, shá mvtǿmshì we Kristu Ang shóngnøt svng namaqí shá lúnlv́m dvpvt røtnòe. n 20 Nøngmaq vdòngø dvzaqshì we jórnònggùn taqkèní, nøngmaqí rø:tnì we nvng dvda:mì we í dv́ngte mvdv̀mø vtvngshaq luq dø wá ngu:tnò pè Ang nø akvt, o 21 shvngø̀mré vdòng taq gø, Kristu Yesu taq gø, dvciq lvpat mvril laril dvgùng laq vl dvr. Yadø laq í daq.

Add new comment

3 + 11 =

Quick Links